sábado, 27 de maio de 2017

Lakumpri Regas Eskola, Estudante Labele Tuir Prosesu Aprendizajen

PARTILHAR
DILI – Bainhira lakohi kumpri regras eskola neebe implementa ona, sira labele tuir prosesu aprendizajen iha sala laran.

Tuir Direitora Eskola Bazika Central (EBC), Fatumeta, Fernanda Caldeira Belo hatete, sira establese ona regras ba estudante sira, tuku 7.45, estudante sira hotu tenke iha ona resintus  eskola, para sira bele halao prosesu aprendizajen iha eskola.

Ami iha nee establese ona regras ba estudante sira, tuku 7.45, estudante sira hotu tenke iha ona resintus eskola, para sira bele halao sira nia prosesu aprendizajen, maibe bainhira buat sira nee ami hatur hotu tiha ona, hanesan ita boot sira haree ona, iha liur nee ba labarik sira barak, nee laos konsikoensia nee ami professor sira, tanba ami kontinua halao knar hanesan professor, tanba ami hatoo buat neebe mak ami nian obrigasaun, maibe realidade mak ita boot sira haree ho matan estudante barak iha liur,” dehan Fernanda ba STL iha nia knar fatin Fatumeta Dili, Sesta (26/05/2017).

Nia hatete, estudante sira neebe mak iha liur, laos professor sira mak duni, maibe estudante sira mak sempre mai eskola tarde, tanba tuku 8.10 ou tuku 8.20 foin tama eskola, entaun eskola tau regras ida katak, tuku 8 pas nee sira bele tama.

Nunee mos Eduardo Santos, hanesan professor curriculum iha EBC refere hatete, regras nee implementa kedas iha tinan 2012, tanba nee, too agora eskola sei nafatin implementa, tuku 8 nee estudante hotu-hotu tenke iha sala laran, para professor sira tama fo prosesu aprendizajen. Jacinta Sequeira/Terezinha de Deus

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: