sexta-feira, 26 de maio de 2017

Estadu Islámiku reivindika atentadu suisidu rua iha Indonézia

PARTILHAR
Grupu extremista Estadu Islámiku (EI) reklama ona atentadu suisidu duplu ida ne'ebé halo iha terminal ida autokarru nian iha Jakarta, ne'ebé halo ema na'in tolu mate.

Analista sira ne'ebé haktuir hosi ajénsia notísia France Presse (AFP) konsidera ona reivindikasaun kredível, estima katak Jamaah Ansharut Daulah (JAD), grupu ne'ebé jura ona lealdade ba EI, halo parte hosi atake ne'e.

Bombista suisidu na'in rua halo nakfera sira nia aan iha loron-kuarta, iha estrada, iha termina transporte Kampung Melayu nia oin, ne'ebé situa iha kapital Indonézia nian.

Polísia na'in tolu mate no ema na'in 10 kanek, ajente polísia na'in lima no ema sivil na'in lima.

Iha Janeiru, Estadus Unidus kualifika ona JAD hanesan organizasaun terorista ida, hodi hatutan katak movimentu iha rede ida besik grupu 25.

JAD hanesan responsabilizadu hosi atentadu suisidu no atake armadu sira iha Jakarta, iha Janeiru 2016, ne'ebé halo ona ema na'in haat mate no reivindika mós hosi EI.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: