Aumentu
ida hosi parte balun populasaun timoroan sira laiha ligasaun ba partidu
polítiku ida no kuaze metadu seidauk hatene atu vota ba sé iha lejislativu sira
loron 22 Jullu, no Fretilin hanesan partidu ne'ebé hetan liu apoiu, haktuir
hosi sondajen ida.
Sondajen,
ne'ebé International Republican Institute (IRI) fó ba Lusa, hatudu katak 28%
hosi ema sira ne'ebé tuir sondajen ne'e karik vota iha Frente Revolucionária de
Timor-Leste Independente (Fretilin), tuir Congresso Nacional de Reconstrução
Timorense (CNRT), Xanana Gusmão nian.
Iha
fatin datoluk mosu Partidu Demokrátiku (PD) ne'ebé iha apoiu 5% hosi ema sira
ne'ebé tuir sondajen ne'e, ho 2% hatete katak apoia Partidu Libertasaun Popular
(PLP) ne'ebé lidera hosi eis-Prezidente Taur Matan Ruak.
Loron
balun antes hahú kampaña (hahú iha loron 20 Juñu), 46% hosi populasaun hatete
katak seidauk desidi kona-ba atu vota iha sé, valor ida besik hosi 43% ne'ebé
hatete katak laiha ligasaun ba partidu polítiku ruma.
Dimitar
Stojkov, diretor IRI nian, hatete ona ba Lusa katak senti hakfodak ho númeru
aas hosi ema sira ne'ebé seidauk desidi, liuliu hafoin eleisaun prezidensial
ne'ebé maka foin lalais ne'e akontese no tanba reprezenta folin ida ne'ebé aas
tebes duké ida ne'ebé rejista iha fulan-Novembru tinan liubá.
Rejiaun
ne'ebé iha liu ema sira ne'ebé seidauk desidi maka Aileu (ho 74%) - hanesan
rejiaun ida ne'ebé iha partisipasaun aas liu iha prezidensial sira - tuir
Manufahi no Covalima (fatin rua ne'e ho 67%) no ho oituan maka Liquiçá (ho
33%), munisípiu ne'ebé Prezidente Francisco Guterres Lu-Olo (apoia hosi
Fretilin ho CNRT) hetan rezultadu aat liu.
Hatán
kona-bá sé maka sira apoiu liu entre líder nasional sira, ema sira ne'ebé
seidauk desidi refere barak liu ba Xanana Gusmão, ne'ebé hetan nafatin apoiu maka'as
(ho 67%), tuir Lu-Olo (10%), José Ramos-Horta (5%) ho Taur Matan Ruak (3%).
Liu
70% hosi ema sira ne'ebé tuir sondajen admiti katak la konsidera atu vota iha
partidu seluk.
Sondajen
hatudu katak Fretilin maka hanesan partidu ativu liu iha rai laran, no nia
asaun partidáriu sira hetan rekoñesimentu hosi ema sira tuir sondajen ne'e
hamutuk 65%, aas liu duké CNRT (12%), PD (7%) ho Khunto (2%).
Ema
sira ne'ebé tuir sondajen ne'e destaka polítika hosi partidu sira (43%), nia
signifikadu istóriku (18%) no tanba sakrifísiu ba nasaun (15%) hanesan fatór
prinsipal sira hodi apoia sira.
Iha
ámbitu seluk, maioria ida (ho 68%) konsidera "importante tebes" atu
iha opozisaun forte ida iha Parlamentu Nasional - karik kestiona nune'e ba
modelu kuaze konsensu ne'ebé maka mosu beibeik iha tinan hirak ikus ne'e.
Kona-ba
tranzisaun jerasional - tema ida ne'ebé debate liu iha palku polítiku iha
Timor-Leste - barak liu hatete katak apoiu maka'as (31%) ka apoiu oituan (24%)
ideia katak to'o ona tempu atu sira ne'ebé tuan fó lideransa nasaun nian.
Maski
nune'e, iha de'it 39% konsidera katak joven sira bele hanesan líder sira hosi
partidu polítiku sira, sira ne'ebé maka apoia mudansa ne'e destaka kapasidade
hodi lidera nasaun no ideia foun sira hanesan vantajen prinsipal sira hosi sira
ne'ebé joven liu.
Liu
hosi 76% la konsege identifika líder joven ne'ebé konsidera hanesan favorável
liu, no ida ne'ebé maka merese hetan nota pozitivu liu maka Mariano Sabino
(prezidente PD) nian, destaka hosi 8% hosi ema sira ne'ebé tuir sondajen.
Sondajen
refere katak, maski hosi esforsu sira Governu no autoridade eleitoral sira,
STAE no CNE, maioria hosi timoroan sira presiza liután informasaun kona-ba
aspetu oinsá halo resenseamentu no votu iha prezidensial sira loron 20 Marsu
nian.
Televizaun
sai hanesan fonte prinsipal informasaun nian (59%) kona-ba eleisaun sira, tuir
diálogu pesoal sira (ho 13%) no rádiu (ho 11%).
Kona-ba
konteúdu polítiku sira, televizaun sai hanesan dalan prinsipal hosi kontaku ho
kandidatu sira (31%) tuir enkontru sira diretu ho polítiku sira (27%), no 70%
hatete katak sira informasaun barak (34%) ka informasaun sufisiente (36%).
Sondajen
hatudu katak maioria (88%) hanoin katak eleisaun hanesan justu no livre no
hatudu katak maski hosi preokupasaun ho violénsia (68%) kuaze ema tomak (96%)
hatete katak laiha asaun violentu ruma.
Maioria
(53%) hatudu fali "preokupasaun maka'as" kona-ba posibilidade hosi
violénsia kona-ba asaun eleitoral tuirmai maibé 90% hatete katak livre hodi
hatudu nia opiniaun polítika.
Liuhosi
metade populasaun (52%) tenki desloka hodi halo votasaun - votu ne'ebé tenki
halo iha fatin resenseamentu nian - ne'ebé hatudu impaktu hosi jornada votasaun
nian iha nasaun ne'e.
Sondajen
ne'e halo hosi ekipa sira Insight nian ne'ebé superviziona hosi Chariot Associates
ho Center for Insights in Survey Research no hosi International Republican
Institute entre loron sira 17 Abril no 14 Maiu.
Ekipa
sira rona ona ema hamutuk na'in 1.200 iha entrevista pesoal sira ne'ebé halo
iha munisípiu 13 iha Timor-Leste no diriji ba prosesu estratifikadu ida, no
konfiansa hosi 95% no marjen ba sala nian kuaze 2,8%.
SAPO
TL ho Lusa
Esta
notícia em português no Timor Agora
Sem comentários:
Enviar um comentário