DILI
(TATOLI) - Komandante Jerál Polísia Nasionál Timor-Leste (PNTL), Komisariu
Julio Hornay husu ba membru PNTL sira tomak atu la husu lisensa iha periodu
elisaun parlamentar to’o formasaun VII Governu konstitusionál.
“Ita
prontu hala’o misaun ida ne’e, ho ónestidade, Justu hodi asegura kreabilidade
instituisaun nian. Ha’u apela ba ita hotu iha tempu elisaun to’o ramata la iha
autorizasaun ba membru ida atu husu lisensa, hotu-hotu preparadu iha komandu,”
Komisariu Hornay apela liuhosi nia diskursu iha seremonia konsentrasaun forsa
seguransa elisaun iha Kuartel Jerál PNTL, Kaikoli, Sesta (16/06).
Prosesu
elisaun dala rua (Elisaun suku ho elisaun Prezidensial), PNTL asegura seguransa
ho suseso nune’e hetan apresiasaun makas hosi parte governu no organizasaun
nasaun unidos inklui Uniao Europa.
Tanba
ne’e, Hornay husu ba Polísia Nasionál Timor-Leste ho Forsa Defesa Timor-Leste
atu iha elisaun ka’er liman hamutuk tane ás apresiasaun ne’ebé públiku fó ona
ba instituisaun rua ne’e hodi la bele monu hikas ba rai.
“Tane
ás saida mak ita halo ona, saida mak ita hatudu ona nu’udar timoroan,” nia
dehan.
Hodi
kontinua, prosesu dezenvolvimentu no konstruksaun estadu nu’udar timoroan nia
responsabilidade atu halo buat di’ak, tanba sei la iha tan ema ida mai halo liu
fali timoroan sira.
“Ema
estranjeiru mai Timor tanba osan boot, ita timoroan ita nia rain rasik, ita
tenki serve sira,” komisariu fó hanoin.
Husu
ba induvidual forsa defesa ho polísia nasionál, atu tau iha konsensia katak,
servi povu tanba ita mai hosi povu no loron ida sei fila ba hamutuk ho povu.
Nu’udar timoroan tenki brani hatete katak “so ha’u mak bele defende ha’u nia
rain, so ha’u mak bele asegura ha’u nia rain, la iha ema seluk.”
Husu
mós ba komandante sira hotu atu hamutuk ho membru sira haforsa unidade no
forsa, kopera malu, apoiú malu iha servisu seguransa ba elisaun parlamentar.
“Imi
nia servisu ha’u lori komandu nia naran, hato’o ha’u nia agradesimentu no
parabens,” Hornay hakotu lia.
(@cml_tatoli)
Foto:
Komandante Jerál Polísia Nasionál Timor-Leste (PNTL), Júlio da Costa Hornay.
Foto Tatoli/Antonio Goncalves
Sem comentários:
Enviar um comentário