sexta-feira, 16 de junho de 2017

PM Sei Hatama Karta Ferias

PARTILHAR
DILI – Tuir orariu kampania eleisaun parlamentar 2017, partidu politik sira sei hahu iha loron Tersa-Feira, (20/06/2017). Tan nee, membru Governu balun inklui Primeiru Ministru (PM) iha tempu badak nia laran sei hatama karta ferias.

Tuir Primeiru Ministru (PM), Rui Maria de Araujo dehan, membru Governu sira too ohin loron hamutuk nain 4 mak hatama ona karta ferias, hodi partisipa iha atividade kampania partidu politik nian inklui mos PM iha tempu badak mai.

Hamutuk hotu nain 4 mak husu pedidu i loron hirak nee konserteza sira seluk sei husu tan, inklui mos hau sei husu hau nia ferias hotu,” dehan PM, Rui ba jornalista sira hafoin remata abertura serimonia violensia bazeia ba jeneru iha Hotel Novu Turismu, Sesta (16/06/2017).

PM Rui haktuir, too Kuarta-Feira orsehik, nain tolu mak hatama ona, maibe laos nee deit barak mak husu no sira husu nee laos loron tomak deit, maibe iha loron balun deit. PM Rui esplika, sira laos loron tomak ka full time, maibe loron balun sir aba halo tiha kampania, maibe loron balun sira halo fali servisu, depois sai fila fali, hamutuk nain 4.

Iha fatin ketak, Reprezentante Programa Oficer AJAR, Inocencio Xavier dehan, oras nee membru Governu sira komesa halo lisensa ba sira nia servisu hodi halo atividade kampania ida nee sira nia direitu. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: