sábado, 17 de junho de 2017

Se los mak mau tabele? Dr. Mari halo posting nakonu ho nakdedar no ódio!

PARTILHAR
Ramos Luís | opiniaun

Cuitado dr. Mari uluk iha crize tabele ba sr. Taur para sr. Taur bele protege nia, depois de sr. Taur halo nia dame ho sr. Xanana nia contra fali Sr. Taur tamba criticas nebe halo ba nia. Liderança ida que teberai lahotu no tabele ba mai deit,agora tamba deit tauk atu monu Dr. Mari halo statements oin oin para hatun sr. Taur.

Liderança hanesan ne oinsa mak bele sai exemplo ba ita nia jovem sira?

Dr. Alkatiri bangga los ho ZEMS. Ema nebe lahatene mak dehan ita bot halo serviço makas los, hau bele dehan,ho quantidade de osan nebe governo hasai vá zems kada tian bele halo ZEMS dala 2 maibe Dr. Alkatiri bangga los no vaidoso los ho ida ne. Ne hatutu seida? Gestão ladiak no osan barak ba hotu bolsu! Ida nemak povu hakarak? De certeza que lae! Atu husu deit ba Dr. Arkatiri investimento ba  ZEMS ne nia total hira?

No retorno annual nebe ZEMS sei hetan hira?

Airport ZEMS cada fulan sei simu avião hira? Avião husi nebe mak sei tranzito iha Oe Cusse? Sera que avião husi Darwin atu ba Bali sei transito iha Oe Cusse? Se trânsito iha Oe cusse povu Oe Cusse mak atu ba passiar iha Bali? Osan iha nebe mak povu atu ba? No turismo seida mak iha Oecusse atu atrai ema ba? Nusa ema la ba Bali do que ba Oe cussse. Se karik Lospalos ita bele dehan sei diak tamba iha potências iha turismo nebe bele dada turistas. Keta Dr.Mari hanoin turistas sira atu ba para hare deit Estatua chegada de portugueses iha timor karik? Ou turista atu ba hare uma sira nebe  Dr. Mari nia familia no belun sira halo iha Oecusse?


Dr. Mari, ita tau ita nian an hanesan fundador partido bot ida para ema bele respeita ita. Nusa mak ita la soe ita nia arrogância? Lalika dehan agora laiha presidenti ida atu critica ita, ita koalia hanesan ema nebe nakonu ho vingansa ba ex presidenti se TMR. Ita koalia hanesan ita ema ida único los, ita koalia to haluha ita bot nia an hanesan lider ida. Se ita bot halo diak karik povu Oecusse vota hotu ba Dr. Lu Olo maibe pelo contrário. Ida ne deit bele hatudu ona katak ita bot nia imagem ladiak ona iha povu nia let. Hakarak hatete deit katak,se ita nia povu 100 % hatene realidade hirak ne,hau bele hatete karak FReTILIN nebe uluk 57% tinan ida ne bele tun mai 20%. Tamba seida? Husi estatuto FRETILIN nian deit ita bot kaer pasta rua. Ne hatudu katak ita bot tauk atu fo ba pasta, Ba ama seluk tamba bele mos sai inpacto ida iha loron mai tamba ita bot mos bele lakon ita bot nia knar hanesan Secretário geral. Pergunta ida ba Dr. Mari, ita bot kaer pasta hanesan Sec. Geral da FRETILIN, Pres da FRETILIN, deputado no presidenti ZEMS hanesan ema normal hakarak husu ba Dr. Mari no lider sira hotu no povu tomak, tamba seida  maka Dr.Mari bele kaer pasta hat? Sera que laiha tan ema seluk? Oinsa mak ita bot fahe ita bot nia tempo ba halao serviço? Ita hotu nusa mak bele husik ama nebe nakonu ho arrogância bele halo hanesan ne? Hare deit ba ida ne ita bele dehan impossível maibe realidade. Triste tebes tamba líder ida hatudu momos katak hamrok ba poder.

Reflection ida ba povu tomak atu cuidado usa sala ita nia votus ba lider hanesan ne.

Viva Veteranos
Viva TMR
Viva Xanana Gusmão
Viva Loriku Asuain


NOTA HUSI TA: Opinioens nebe expresa, liu husi artigu opiniaun nebe maka TA hatun, liga ka relasiona diretamente ho autores nebe hakerek. Ami hakarak atu sertifika no afirma katak, demokratikamente ami nakloke ba partidu nebe deit maka hakarak hato´o sira nia vontade atu expressa sira nia opiniaun, maibe ho kondisaun ida katak, sira rasik maka tenki assumi responsabilidade ba lia fuan ka afirmsaun nebe hasai iha artigu opiniaun sira ne.
PARTILHAR

Author: verified_user

Publicação luso-timorense sem fins lucrativos

0 comentários: