sábado, 17 de junho de 2017

Sondajen: Timoroan sira senti optimista kona-ba futur maski hatudu dúvida

PARTILHAR
Populasaun timoroan senti optimista kona-ba nia futuru no nasaun nian, pelumenus iha tempu badak, maibé iha aumentu balun hosi parte ne'ebé konsidera katak Timor-Leste la la'o iha diresaun loloos, haktuir hosi estudu foun ida.

Estudu, ne'ebé fó exkluzivu ba Lusa hosi International Republican Institute (IRI), hatudu preokupasaun boot duké iha pasadu ho nasaun, ne'ebé tuir autor sira hosi estudu katak hanesan entrada nasaun nian iha ‘normalidade'.

Dimitar Stojkov, diretor IRI nian, sujere katak ema timoroan sira ohin loron senti "livre" hodi hatudu sira nia opiniaun krítika liu no hahú destaka sira nia preokupasaun ho kestaun sira hanesan rendimentu no moris di'ak, aas liu duké debate polítiku sira ka kona-ba estadu demokrasia nian.

Hanesan ezemplu, sondajen haree katak bainhira sira karik tenki hili sistema demokrátiku ida hosi Governu ka ekonomia ida ne'ebé prósperu liu, 55% hili ekonomia prósperu liu kontra 37% hosi sira ne'ebé defende opsaun dahuluk.

Sondajen ne'e halo hosi ekipa sira Insight nian ne'ebé superviziona hosi Chariot Associates ho Center for Insights in Survey Research no hosi International Republican Institute entre loron sira 17 Abril no 14 Maiu.

Ekipa sira rona ona ema hamutuk na'in 1.200 iha entrevista pesoal sira ne'ebé halo iha munisípiu 13 iha Timor-Leste no diriji ba prosesu estratifikadu ida, no konfiansa hosi 95% no marjen ba sala nian kuaze 2,8%.


Estudu analiza resepsaun ekonómiku sira, polítika sira no sosial sira kona-ba Timor-Leste no relasaun nasaun nian ho estranjeiru, no aspetu sira seluk, no fó sai ona iha loron balun antes hahú kampaña ba lejislativu sira iha loron 22 Jullu.

Informasaun sira hatudu katak optimizmu kona-ba situasaun nasaun nian diminui tanba 34% de'it maka konsidera katak Timor-Leste la'o iha dalan loos, menus pontu 21 hosi rezultadu iha fulan-Outubru 2013 no aas liu 31% hosi ema sira ne'ebé maka hanoin katak la'o ba dalan ne'ebé laloos.

Maibé, iha aspetu hanesan - infraestrutura sira nasaun nian - ne'ebé justifika optimizmu no pesimizmu hosi ema sira ne'ebé tuir estudu ne'e, ba ema balun, hanesan fatór prinsipal ne'ebé tenki simu felisitasaun maibé balun hatete katak la'ós la'o di'ak iha fatin hotu-hotu.

Serbisu públiku sira ne'ebé hanesan inkompetente ka ligasaun fraku sira ho sidadaun sira hanesan aspetu sira seluk ne'ebé maka aponta hosi ema sira ne'ebé pesimista liu (17%).

Maski ema balun konsidera katak Timor-Leste la'o hela ba dala ne'ebé ladi'ak, bainhira hatán kona-ba karik ohin loron nasaun iha situasaun di'ak ka aat liu duké tinan ida liubá, 45% avalia progresu pozitivu no 45% seluk hatete katak iha situasaun hanesan.

Iha de'it 5% hosi ema sira ne'ebé tuir estudu maka konsidera katak Timor-Leste ohin loron sai aat liu duké tinan ida liubá.

Optimizmu mós hatudu kona-ba perpetivu sira ba tinan oinmai, ho 68% hanoin katak nasaun sei sai di'ak no 20% hatete katak sei iha situasaun hanesan. Iha kazu ne'e iha de'it 1% maka hanoin katak sei sai aat liu.

Iha termu pesoal sira, 23% hatete katak sira nia situasaun no família sira hahú di'ak no 62% hatete katak hanesan, ho 10% konsidera katak sai aat liu.

Vizaun hanesan ne'ebé optimista kona-ba nia situasaun pesoal mantén bainhira hatán kona-ba saida maka sira hanoin atu akontese iha tinan oinmai: 46% hatete katak sei sai di'ak no 35% hatete katak sei kontinua hanesan, no 5% de'it maka konsidera katak sei sai aat liu.

SAPO TL ho Lusa

Esta notícia em português no Timor Agora
PARTILHAR

Author: verified_user

Publicação luso-timorense sem fins lucrativos

0 comentários: