terça-feira, 13 de junho de 2017

IFAESA Prende BIG Cola Kaixa 344 Liu Prazu

PARTILHAR
Autoridade de Inspecao e Fiscalizasaun da Atividade Economica Sanitaria e Alimentar (IFAESA) prende bebidas big cola hamutuk kaixa 344 ne’ebe liu ona prazu iha loza balun iha Dili laran.

Koordenador IFAESA Abilio Oliveira Serano, hatete sira rekolha tina ona sasan hirak ne’e hodi hein deit halo destruisaun e kompanha ga lozas ne’ebe viola regras ne’e sei hetan multa administrativu.

Alende ne’e, nia hatete sira mos prende aihan kma’an sira hanesan tictak, super bob, akie snack inklui tepung tapioca, paun rahun, levida no coca-cola.

“Kada loron ami halo inspesaun, rutina,” Koordenador Serano hateten, iha nia knar fatin Matadouro, Dili.

Nia hatutan, inspesaun kada loron ne’e ho objetivu atu muda mentalidade loza nain sira atu labele fa’an sasan sira ne’ebe liu ona prazu.

Hahu fulan Fevereiru to’o Marsu 2017 IFAESA, nia dehan lozas kuaze 60 resin mak sira halo ona inspesaun.

Enkuantu Membru Parlamentu (MP) Francisco da Costa, hatete IFAESA nia papel importante tebes atu identifika no prende hahan sira ne’ebe liu ona prazu hodi la bele perturba konsumidores nia saude.

Tanba, tuir nia loza barak mak hahu halo negosiu foer hodi kontinua fa’an aihan ne’ebe liu ona prazu.

“Sira hatene aihan ne’e liu ona prazu maibe sira fa’an nafatin,” nia kestiona.

Iha parte seluk negosiante Adelina Martins, hatete nia parte nunka fa’an sasan ne’ebe liu prazu tanba tauk selu multa kuandu hetan inspesaun.

“Hau fa’an sasan ne’ebe diak , seidauk liu prazu, tanba hau tauk sira mai cek,” nia hateten.

The Dili Weekly
PARTILHAR

Author: verified_user

Publicação luso-timorense sem fins lucrativos

0 comentários: