terça-feira, 13 de junho de 2017

Estudu: Timor-Leste la presiza hadi'a maka'as infraestrutura aviasaun nian

PARTILHAR
Estudu ida hosi Asia Foundation konklui katak Timor-Leste la presiza, pelumenus ba agora, hadi'a maka'as infraestrutura sira hosi área aviasaun nasaun nian, maibé defende aposta iha seguransa no konfortu hosi pasajeiru sira.

"Ne'e hanesan opozisaun ho vizaun ida ba sírkulu balun iha Timor-Leste katak iha nesesidade maka'as tebes hodi atualiza lalais no drástiku ba aeroportu (Díli nian) no infraestrutura fízika sira seluk", nia subliña.

"Kapasidade atual hosi aviasaun sivil hatán ba ezijénsia mínimu atual sira hosi nasaun nian no labele hanesan priorizadu relasionadu ho infraestrutura báziku sira seluk", hatutan.

Estudu, ne'ebé fó sai hosi organizasaun ne'ebé iha fulan ne'e halo tinan 25 ho asaun iha Timor-Leste, konsidera katak progresu importante liu bele hetan ho "investimentu razoável modestu ida".

Infraestrutura sira ne'ebé iha "hanesan hatán di'ak ba situasaun atual", refere hosi Asia Foundation ne'ebé analiza ona situasaun hosi área aviasaun tomak iha Timor-Leste.


Organizasaun fó hanoin katak empreza tomak ho dalan hosi no ba Timor-Leste uza "aviaun sira ho kapasidade ki'ik" ne'ebé aprezenta "rekizitu ki'ik hosi instalasaun aeroportuáriu sira" ne'ebé hatudu "adekuadu ba merkadu doméstiku aviasaun nian, tanba populasaun ne'ebé uza transporte aéreu iha Timor-Leste hanesan oituan no hakarak atu semo hanesan mínimu".

Estudu rejeita katak Timor-Leste bele sai hanesan alternativu ba "kompañia aéreu xineza sira ka estranjeiru sira seluk", ida dahuluk tanba pasajeiru sira nia hakarak laiha garanti no aeroportu Díli labele simu aviaun sira ho dimensaun boot.

Transporte aéreu mós "la'ós hanesan dalan di'ak hodi uza iha Timor-Leste no ekonomia global ba rezultadu ikus komersial sira", refere hosi estudu ne'ebé nota katak "Timor-Leste seidauk iha produtu sira no indústria sira ho folin aas ne'ebé presiza transporte sira karga nian ne'ebé lalais".

"Timor-Leste sei serve di'ak iha utilizasaun kompletu liu hosi nia kapasidade hosi aviasaun atual no iha dezenvolvimentu hosi kapasidade báziku ba dezenvolvimentu futuru, tanba ne'e hanesan dezafiu sira relevante liu iha agora daudaun ne'ebé maka hasoru hosi setór aviasaun nian", subliña.

Entre rekomendasaun sira, estudu defende katak Governu "tenki organiza fali sira nia autoridade hosi jestaun aviasaun nian no estabelese unidade ida elaborasaun hosi polítika espesífiku sira".

Tenki "formula mós polítika sira aviasaun nian ne'ebé eziji atu operador tomak ne'ebé halo serbisu aéreu doméstiku sira iha Timor-Leste bele halo parte hanesan serbisu ida aviasaun timoroan nian".

Agora daudaun laiha empreza área ruma ho dalan hosi no ba Timor-Leste maka hanesan timoroan, ligasaun ho Austrália halo hosi australianu Air North, ho Indonézia halo hosi Citilink, Sriwijaya ho Nam (hosi Indonézia tomak) no ho Singapura halo hosi SilkAir.

Estudu rekomenda mós "hadi'a kapasidade no serbisu sira aviasaun nian ne'ebé iha ona liuhosi investimentu rentável sira" ho "solusaun ho folin ki'ik ne'ebé "sei aumenta efisiénsia" no sei hatán sufisiente ba hakarak ne'ebé previstu ba tinan hirak tuirmai.

Tuir Asia Foundation, tenki hametin mós seguransa hosi ligasaun aéreu sira ne'ebé mantén ho exterior.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: