terça-feira, 13 de junho de 2017

Timor-Leste halo iha Darwin nia Fórum Emprezarial dahuluk iha exterior

PARTILHAR
Iha semana oinmai Timor-Leste organiza nia Fórum Emprezarial dahuluk iha estranjeiru hodi promove iha Darwin (norta Austrália) enkontru ida ne'ebé hakarak fó koñese oportunidade ekonómiku sira no investimentu nian iha nasaun. 

Enkontru, ne'ebé halo iha 16 Juñu, organiza hosi TradeInvest Timor-Leste (TITL), entidade prinsipal ba promosaun externa hosi Governu ba área ekonómiku.

Iha komunikadu, TradeInvest esplika katak fórum emprezarial sei iha reuniaun ida hanesan ho ida ne'ebé halo ona iha tinan liubá iha Díli no ne'ebé halibur ona investidor hosi nasaun oioin, ho destake ba ema australianu sira.

Estanislau da Silva, ministru Kordenador hosi Asuntu Ekonómiku sira, hatete katak Governu serbisu hela hodi hadi'a klima investimentu nasaun nian, kapasita TradeInvest hodi tulun empreza estranjeiru sira hodi "identifika projetu sira no oportunidade sira negósiu nian ne'ebé mosu daudaun iha Timor-Leste".


Ba Arcanjo da Silva, diretor ezekutivu TradeInvest nian, enkontru iha Darwin sei loke dalan foun promosaun nian, fó koñese ba potensial investidor sira no empreza sira "oportunidade sira no potensial sira exportasaun nian" iha Timor-Leste.

Fórum Emprezarial sei reflete liuliu iha área prioritáriu sira hosi Governu ba diversifikasaun ekonómiku, liuliu infraestrutura sira, agrikultura no turizmu.

Iha enkontru ne'e sei partisipa hosi responsável timoroan sira no hosi Governu Northern Territory australianu nian no mós reprezentante sira hosi empreza sanulu resin.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: