terça-feira, 13 de junho de 2017

CNRT Kontinua Simu Afiliasaun

THE TIMOR-NEWS.com, LIQUISA – Partidu mais votadu iha Eleisaun Parlamentar 2012, Conggresso Nacional de Recontrução de Timor-Leste (CNRT) durante fulan hirak nia laran kontinua simu afiliasaun hosi partidu politiku bo’ot balun hodi lori partidu ne’ebe lidera hosi Kay Rala Xanana Gusmão alkansa nia objektivu katak manan maioria iha Eleisaun Parlamentar 22 Jullu 2017.  

Lidera hosi eis komandante FALINTIL, Kay Rala Xanana Gusmão, halo militante hosi partidu balun iha Munisipiu Liquisa kompostu hosi Postu Administrativu Liquisa, Bazartete no Maubara hola dezisaun hodi sai hosi sira nia eis partidu ba CNRT ho razaun fiar ideransa Kay Rala Xanana Gusmão mak bele dezemvolve rai ne’e ba futuru diak, inklui hadia povu nia moris diak liu tan iha futuru.


“Agradese ba afiliadu sira ne’ebe fiar ona partidu CNRT, husu ba ita hotu bele servisu hamutuk no esforsu makas liu tan atu lori duni CNRT manan maioria,” dehan Sekretariu Jeral Partidu CNRT, Francisco Kalbuadi Lay, Sabadu (10/06/2017), iha Sede Partidu CNRT Munisipiu Liquisa.

Kalbuadi afirma, CNRT sempre tau interese nasiona as liu intrese partidu nian, tanba  nasaun Timor – Leste presiza ema hotu hamutuk atu dezenvolve diak liu  ba futuru.

“CNRT iha nia prinsipiu kaer metin unidade nasional, estabilidade no dezemvolvimentu. Wainhira ita hamutuk, moris hakmatek, entaun dezemvolvimentu mos bele lao diak. Kuandu dezemvolvimentu iha ona, entaun kampu traballu mos sei iha, jovem sira mos tenki prepara an atu nune’e bele hetan servisu, vota CNRT, CNRT sei tau matan hotu ba kampu traballu,” dehan sekjer partidu CNRT ne’e.

Atu haforte estrutura iha munisipiu to’o suku, lideransa nasional Partidu CNRT ne’e mos fo posse ba estrutura Suku Asumanu ne’ebe simu orientasaun mos hosi sekjer atu hamutuk ho estrutura munisipiu lori vitoria ba Partidu CNRT.

Iha sorin seluk kordenador Munisipiu Likisa Domingos Dos Santos Alias Mau Caro hatete iha nia intervensaun, agradese tebes ba maluk sira n’ebe mak afilia ona hamutuk ho CNRT hamutuk sei lori partidu ne’e kaer ukun dala ida tan hodi hare ba povu nia moris.

“Orgullu ba maluk sira hotu ne’ebe mak mai ona iha CNRT atu lori CNRT ba ukun dala ida tan hamutuk ho maun bo’ot Xanana sei lori povu ne’e sai husi ki’iak no mukit, so maun bo’ot Xanana deit mak bele lori ita hotu ba moris diak,” dehan Mau Caro.

The Timor News | Hortencio SANCHES | Editóra: Agida DOS SANTOS I COPYRIGHT@2017

Foto: Partidu CNRT kontinua simu afiliasaun hosi membru militante partidu balun hanesan ne'ebe akontese iha Munisipiu Liquisa, ne'ebe afiliasaun membru militante partidu balun sira desidi hamutuk partidu CNRT hodi vota ba CNRT. Photo: TTN/Hortencio Sanches

1 comentário:

Lotu Viegas disse...

KAMPU FUTEBOL ba 11 pessoas husi sorin no 11 pessoas husi sorin seluk hodi JOGA deila tau matan ona, apalagi KAMPU TRABALHU nebe ema rihun ba rihun mak JOGA ba, KALBUADI (General Indonesia nia oan mane) bele loke ka lae. Ita fiar, monu ba rai kuak.