Serbisu
sira Ambulánsia Londres nian fó sai ona iha loron-kuarta ne'e katak ema na'in
74 simu hela kuidadu médiku nian, na'in 20 iha estadu krítiku, hafoin kanek iha
inséndiu ne'ebé akontese iha Torre Grenfell, iha oeste Londres nian.
Paul
Woodrow, xefe operasaun sira nian, hatete katak pasiente na'in 20 sira ne'e iha
estadu krítiku, refere katak vítima sira simu hela tratamentu ba lezaun oioin
no tanba absorve ahi suar.
Polísia
hatete katak ema na'in neen mate iha inséndiu, ne'ebé hahú hafoin kalan-boot
loron-kuarta nian iha Grenfell Tower, zona besik Notting Hill.
Pelumenus
ema na'in neen mate no na'in sanulu resin loron ona ba hospital sira hafoin
inséndiu ne'ebé iha loron-kuarta madrugada akontese iha prédiu ida habitasaun
sosial nian iha Londres, balansu provizóriu ida ne'ebé bele aumenta, informa
hosi polísia londrinu nian.
Edifísiu
iha habitasaun 120 ne'ebé kalkula katak iha ema na'in 500 resin maka hela,
barak liu hanesan joven família sira.
Labarik
portugés na'in rua internadu iha ospital, maibé laiha perigu, bainhira sira nia
aman-inan simu tratamentu, maibé sira iha kondisaun di'ak, haktuir hosi fonte
Sekretáriu Estadu hosi Komunidade Portugeza nian ba Lusa.
Total
ida hosi portugés na'in 10 maka hela iha apartamentu tolu iha prédiu ne'e no
sira hotu iha kondisaun di'ak la inklui labarik na'in rua ne'e.
Lusa
| SAPO TL | Foto@ Will Oliver/EPA
Sem comentários:
Enviar um comentário