quinta-feira, 15 de junho de 2017

Estudante hosi EUA libertadu hosi Koreia-Norte to'o iha Ohio

PARTILHAR
Estudante norte-amerikanu Otto Warmbier, libertadu hosi Koreia-Norte hafoin hetan kondenasaun, iha tinan liubá, ba serbisu todan tinan 15 tanba naok kartaz ida iha hotél ida, to'o iha loron-tersa ne'e iha estadu Ohio.

Aviaun ne'ebé lori Otto Warmbier to'o iha tuku 22:20 loron-tersa (oras lokal) iha aeroportu ida iha Cincinnati, ne'ebé hafoin ne'e lori nia ba hospital. Tuir aman-inan sira, joven ho tinan 22 iha estadu koma iha tinan ida resin nia laran, hafoin hetan intoxikasaun maka'as hosi botulizmu.

Sekretáriu Estadu norte-amerikanu, Rex Tillerson, hatete mós katak serbisu hela ba libertasaun hosi sidadaun norte-amerikanu na'in tolu seluk ne'ebé maka kaer iha Koreia-Norte.

Otto Warmbier hetan kondenasaun ba serbisu todan tinan 15 nia laran hosi Supremu Tribunal norte-koreanu nian iha fulan-Marsu tinan liubá, hafoin admiti tiha katak naok kartaz ida ne'ebé dekoradu ho liafuan ida ho ligasaun polítika iha hotel ida iha Pyongyang, ne'ebé hanesan nia fatin hospedadu nian, iha ámbitu hosi digresaun ida iha fulan-Janeiru 2016 nian.

Joven ne'e hetan akuzasaun hosi "atividade agresivu" no konspirasaun hasoru unidade hosi Koreia-Norte nian.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: