Paixao: Garante Seguransa Ba Elpar

DILI - Vise  xefi estadu  maior  Jeneral, Falintil  Forsa  Defeza Timor Leste (F-FDTL), Brigadeiru Jeneral, Filomeno  de Jesus  Paixao, garante  situasaun seguransa  ba iha eleisaun  parlamentar  neebe mak halao iha teritoriu  Timor laran tomak.

Liu husi intervista, ba STL Vise xefi estadu maior Jeneral, Falintil Forsa Defeza Timor Leste  (F-FDTL), Brigadeiru Jeneral, Filomeno de Jesus  Paixao, hatete, skema ida atu monta  seguransa ba eleisoins nee,iha  Dili nee, forsa  espesial  iha  Tasi Tolu, fuzenerus Naval  iha Hera, nomos Polisia Militar iha sidade klaran, neebe forsa  tolu mak asegura Dili, maibe 12 Munisipiu mos koloka ba iha  Fronteira ba too  iha  Viqueque, Baucau ninia.

Skema  ida atu  monta  seguransa ba eleisoins nee, iha Dili nee, forsa  espesial iha Tasi Tolu, fuzenerus Naval iha Hera, nomos  Polisia Militar  iha  sidade klaran, neebe ita nian forsa  tolu mak asegura Dili, maibe 12 Munisipiu mos ita koloka ba iha fronteira  ba too iha Viqueque, Baucau, maibe ba eleisaun nee ami aumenta tan postu mais 19, neebe 31 postu mak fo apoiu  ho PNTL  fo seguransa ba iha eleisaun parlamentar ninia.Hau sente ami bele dehan garante duni ita nian situasaun segurans,” dehan Vise Xefi estadu  maior  jeneral  F-FDTL, Paixao ba STL hafoin vota iha sentru votasaun suku Fatuhada iha EBF Fatuhada Dili Sabadu (22/07/2017).

Iha  fatin hanesan Xefi suku Fatuhada, Marcelino  Soares, hatete, hanoin eleisaun agora dadaun nee, liu husi primeira faze kampana ninia lao diak teb-tebes, tanba kompriende malu, tantu partidu rua mak halao kampana mos sira nunka hamosu problema ruma, neebe lao diak tebes, depois agora dadaun halo ona vota livre los, tanba komunidade sira barak mak kompriende liu.

Entretantu Luis Mendes, hanesan joventude iha suku Fatuhada, hatete, iha suku Fatuhada rasik, durante nee la mosu problema ruma, tanba joven sira mos hakarak atu kria paz no establidade, nudar Timor oan, presiza iha hanoin neebe mak diak, tanba agora laos ona tempu para atu hamosu bebeik konflitu, maibe oinsa mak ema hotu hamutuk, atu bele hadia prosesu dezenvolvimentu iha rai ida nee, liu-liu ba jerasaun foun sira, tenke fo liman ba malu, no hadok aan husi konflitu. Jacinta Sequeira

Suara Timor Lorosae