terça-feira, 12 de dezembro de 2017

Fretilin Laos Aproveita Povu Iha Tempu Eleisaun

DILI – Partidu Fretilin nia politika laos aproveita povu iha tempu eleisaun, maibe Fretilin iha dever no responsabilidade hakarak mantein kontinua halo kontaktu ho eleitores para sira bele hatene informasaun konaba situasaun politika neebe maka lao dadaun iha rai laran.

Vise Prezidente partidu Fretilin Francisco Miranda Branco hateten, Fretilin nia politika nee dehan laos aproveita deit povu iha tempu eleisaun nian. Maibe Fretilin iha dever no responsabilidade hakarak nafatin mantein Fretilin nia kontaktu, konstante ho eleitores no kuadru, para sira mos informadu ho situasaun real neebe pasa iha nasaun ida nee.

“Nee para komunikasaun nee ba sira, ami mos bele simu husi sira saida maka sira hanoin, tanba ita nia povu nee matenek liu fali politika sira, sira nia vizaun nee klean liu politika sira,” dehan Vise Prezidente Partidu Fretilin Branco, ba STL, iha PN, Dili, Tersa (12/12/2017).


Fretilin tuir Vise Prezidente Partidu Fretilin Branco katak, laos manan tiha eleisaun, liu tiha eleisaun maka depois besik fali eleisaun maka tun ba kontaktu eleitores sira nee lae, tanba Fretilin nia kultura politika nee oin seluk ho partidu sira seluk nee.

Kuadrus Estrutura partidu Fretilin tuir Branco katak, sira nia lamentasaun maka Orsamentu Ratefikativu no Programa Governu, tanba programa nee lori ba sira hare, le no diskute r sira dehan programa nee diak ona, tanba sa maka oposizaun rezeita.

Iha parte ketak Sekertariu Estadu Konsellu Ministru e Komunikasaun Sosial Matias Boavida, dehan, hanesan membru partidu politiku, kontaktu eleitoral normal neebe maka halo iha fin de semana. 

Carme Ximenes/Maria Lay | Suara Timor Lorosae

Sem comentários: