Tusan Iha Ospital Estaranjeiru Kuaze 5.1 Miloens

DILI - Ministru Planu e Finasas Rui Gomes hateten, Konaba dividas neebe Governu deve iha ospital estranjeiru kuaze 5.1 dolar neebe seidauk selu ba ospital sira nee.

Ospital sira neebe maka ita deve maka hanesan Ospital Singapura ita deve un pontu dois Miloens seidauk selu, ospital Sandra un pontu seis miloens ita seidauk selu, ospital Bali Un pontu kuatru biloens seidauk selu, ospital iha Malaysia sesentu dizanove dolar seidauk selu, Utomo Surabaya Korenta seis mil dolar seidauk selu, kustu operasional sira neebe ita presiza iha Bali pasiente sira nee kuandu hetan akompaniamentu ecetra sentu sinkuenta miloens total sinku pontu um miloens de dolar, neebe ita seidauk selu ba opital sira nee, tanba nee maka iha rejeisaun atu simu fali kliente foun,” dehan Ministru Rui, bainhira halo diskusaun ho Komisaun Espesializada, iha PN, Dili, Segunda (11/12/2017).

Portantu Konaba Dozi Miloens de dolar fundu eplikasaun nee laos atu aumenta, maibe atu reajusta ba balansu actual neebe ke lakonsege uteliza portantu reajustametu nee dois pontu un miloens de dolar.

Iha fatin hanesan membru PN husi bankada PD Luis Mendes hateten Dividas iha ospital nee maka uluk koalia katak, atu Estadu ida nee labele indentifika hanesan Estadu devedor tenke aruma, atu nunee labele tau fali todan ba iha Governu foun, tanba Governu foun atu hare ba asuntu neebe maka iha ninia programa no planu rasik laos fali atu selu dividas.

Entretantu Jose da Costa hanesan observador nasional Husu ba PN atu aprova Orsamentu Ratefikativu, nunee Governu bele selu deve neebe maka iha ospital estranjeiru, tanba bainhira laselu deve hirak nee maka ema sei lasimu ita nia maluk sira neebe maka moras atu tranfere ba iha neeba. 

Carme Ximenes/Maria Lay | Suara Timor Lorosae