LAIHA LEI, DIAK LIU DESOLVE KAK

DILI – Maske Lei Anti Korupsaun tama ona iha uma fukun Parlamentu Nasional (PN) tinan kotuk, maibe too oras nee lei KAK rasik seiduak diskute.

Tuir Diretor Ezekutivu Organijasaun Non Govermental (ONG) Luta Hamutuk, Mericio Akara, ba STL iha ninia servisu fatin Farol Tersa (21/04) katak, membru Parlamentu Nasional laiha vontade atu diskute lei KAK hodi kombate korupsaun, tanba nee kuandu laiha Lei KAK diak liu desolve tiha KAK.

Kuandu laiha lei ba KAK diak liu desolve tiha KAK tanba politiku, lider nasional, inklui membru parlamentu dalabarak halo deklarasaun politika dehan kombate korupsaun, maibe iha pratika sira ladun iha komitmentu atu kombate korupsaun, tanba politika ita halo deklarsaun oin-oin maibe iha pratika ita hanesan taka dalan ba movimentu kombate korupsaun nian iha rai laran,” hatete Akara.

Iha fatin ketak Diretor Asosiasaun HAK, Manuel Monteiro, antes nee hatete lei KAK importante tebes no husu ba membru Parlamentu Nasional (PN) sira, atu tau lei nee sai hanesan perioridade hodi diskute lalais para bele reforsa KAK nia servisu. Informasaun kompletu iha STL jornal no STL web, edisaun Kuarta (22/4/2015). Thomas Sanches

Suara Timor Lorosae