Komunidade
Internasional admira tebes ho prosesu rekonsiliasaun entre Timor Leste (TL) ho
Repúblik Indonesia (RI), basá maske forsa Indonesia sira oho ona Timoroan rihun
ba rihun, maibe depois TL ukun an Indonesia sai nasaun amigu diak.
“Relasaun
ho rekonsiliasaun Timor Leste ho indonesia, dalaruma hau sai ba liur, apresu
bo’ot ne’ebé komunidade internasional, li-liu rai sira ne’ebé agora se araska
liu ita, sira admira rekonsiliasaun Indonesia ho ita,”informa Ministru
Planeiamentu Investementu Estratejiku, Kay Rala Xanana Gusmão, iha Aeroportu
internasional Nicolau Lobato Comoro Dili, Tersa (19/5), hafoin interaksaun
entre lideransa jerasaun tuan RI ho TL iha Jakarta.
Eis
Xefe Governu ne’e dehan, komunidade internasional admira hodi dehan, tanbasa
mak Timoroan mate barak tanba Indonesia mai oho, maibé agora Indonesia sai
belun ida ne’ebé diak tebes ba Timor Leste.
Xanana
salienta, tanba situasaun ida ne’e hanesan ne’e iha Afrika agora no iha fatin
barak, independente kleur tiha ona mós, sira inimigu ba malu nafatin, la perdua
malu.
Nia
dehan, ida ne’e hatudu ba mundu katak, Timor Leste ho Indonesia nia prosesu
rekonsiliasaun, sai ezemplu iha fatin barak, no prosesu sira ne’e agora
konsolida mak’as liu.
“Ita
sai nu’udar ezemplu ba rekonsiliasaun ida ne’e, maibé hau dehan ba sira katak,
iha prosesu rekonsiliasaun ne’e, labele temi dehan hau, tanba iha ladu
kontrariu ne’e mós tenki iha hanoin hanesan,”afirma Xanana.
Tanba
nia dehan, iha fatin ne’ebé iha omflitus, ida bele hakarak koalia, maibé ida
seluk la fó fatin, laiha buat ida.
Alende
ne’e, Primeiru Ministru Rui Maria de Araújo mós hatete katak, dadauk ne’e Timor
Leste nia nasaun viziñu no parseiru dezenvolvimentu ne’ebé diak ne’e,
Indonesia.
“Uluk
ne’e, ita inimigu no funu malu, maibé depois ida ne’e, prosesu rekonsiliasaun
hahu iha tinan 1999, Timor Leste ho Indonesia sai amigo ida ne’ebé diak
tebes,”katak Rui Araújo.
Mundu
mós apresia tebes rekonsiliasaun ne’ebé Timor Leste ho Indonesia halo. Maske
uluk nasaun amigu rua ne’e oho malu, maibé agora sai nasaun maun alin ne’ebé
ema la espera. Alende ne’e, Dosente Universitas Nasional Timor Lorosa’e, Julio
Tomas Pinto mós hatete katak, rekonsiliasaun Timor Leste ho Indonesia ne’e,
diak tebes.
“Ita
nia maun bo’ot Xanana Gusmão esplika konseitu rekonsiliasaun ne’e, ba public
Indonesia, no relasaun Timor Leste ho Indonesia,”katak Julio Tomas Pinto.tap
Jornal
Nacional
Sem comentários:
Enviar um comentário