MALIANA
- Prezidente da Republika Demokratika de Timor Leste, Taur Mata Ruak ho
Prezidente da Republika Indonesia, Joko Widodo konkorda ona atu imediatamente
fo impulsu renovadu ba iha negosiasaun fronteira entre Timor Leste no Indonesia
espesial ba iha fronteira maritime (tasi). “Iha fulan-Abril, ha’u hasoru
malu ho señor Prezidente Indonézia, Joko Widodo. Ha’u ho nia konkorda atu,
imediatamente, fó impulsu renovadu ida ba negosiasaun kona-ba fronteira sira
entre Timor-Leste ho Indonézia, espesialmente fronteira maritima”, dehan
Prezidente e RDTL Taur Mata Ruak nia deskursu iha selebrasaun loron restauarasn
Indepedensia 20 Maio ne’ebe halao iha Maliana, Munisipio Bobonaro kuarta
feira (20/05).
Tuir
nia katak fronteira rai maran nian difini tiha ona to’o 98% hodi oferese
siguransa ba iha komunidade sira hosi parte TL no Nusa Tengara Timor (NTT) no
kontribui atu dezenvolve kontaktu familiar nomos relasaun komersial
sira. “Fronteira rai-maran nian defini tiha ona to’o 98%. Buat ida ne’e
oferese seguransa ba komunidade sira hosi parte rua no kontribui atu dezenvolve
kontaktu familiár no mós relasaun komersiál sira. Seguransa ema nian no aumentu
komérsiu sai vantajiozu ba Maliana no munisípiu Bobonaro nia ekonomia,” katak
Taur.
Taur
mos afirma katak fornteira maritima ho Australia, Timor Leste hato’o ona
proposta kona ba inisiu ba negosiasaun atu define fronteira maritima komun no
oras ne’e sei hein proposta nebe mak hato’o ona ba iha Australia. “Kona-ba
Australia, Timor-Leste hato’o tiha ona mós proposta kona-ba inísiu ba negosiasaun
atu defini fronteira marítima komun. Ita kontinua hein resposta ba ita-nia
proposta ne’e. Timor-Leste haree dezenvolvimentu nasaun nian hanesan prosesu
ida ne’ebé tenke lori vantajen ba parte sira hotu ne’ebé envolvidu.
Dezenvolvimentu tenke hamosu oportunidade sira ne’ebé foun ba komérsiu no
kooperasaun ho rejiaun viziñu sira, hosi Timor-Leste ba Darwin, Norte Austrália
no mós provinsia indonézia nian sira ne’ebé besik”, katak nia.
Tan
ne’e nia dehan Kooperasaun tripartida, ne’ebé TL hakarak habelar, entre
Timor-Leste, Indonézia no Austrália sei estimula kresimentu ekonómiku iha
rejiaun ida ne’ebé luan tebes, inklui Oecusse, Ataúro, Bobonaro, Kovalima no
territóriu viziñu sira. “Ita fiar iha kooperasaun ne’ebé mutuamente
vantajiozu, atu harii moris-di’ak ba ita-nia komunidade sira no komunidade sira
hosi rejiaun viziñu sira. Prosesu ida ne’e hatudu mai ita kona-ba
importánsia relasaun internasionál iha konsolidasaun Estadu no iha
dezenvolvimentu nasaun nian,” dehan Taur ba iha Komunidade sira.
Tinan
3 progresu boot
PR
iha oportunidade informa katak ninia mandat kompleta tinan 3 simu pose hanesan
Prezidente Republika hare nasaun nia dezenvolvimentu nomos
kondisaun moris povu nian iha suku balun hahu mellora ona tanba vizita
ne’ebe nia halo ba iha suku sira iha 13 munisipiu. “Ohin halo tinan
3 kona-ba data ba ha’u-nia pose hanesan Prezidente Repúblika. Nasaun la paradu
durante tempu ne’e. Kondisaun sira moris nian iha suku balun mellora ona maibé
karénsia sira kontinua sai boot. Ita tenke serbisu ho determinadu atu hadi’a
moris iha ita nia rain nia aldeia no suku sira hotu,” dehan Ruak.
Tuir
nia katak durante tinan hirak nia laran iha ona paz no estabilidade no
estabilidade sai posivel tanba povu hili paz no iha tiha ona komportamentu
responsavel ba prezente no futuru. “Ita iha governu foun ida no mós
primeiru-ministru foun ida. Pasajen responsabilidade sira ne’ebé boot hosi
jerasaun 75 ba jerasaun Santa Cruz la’o ho forma hakmatek no kalma, Realidade
ida-ne’e pozitivu no tenke hetan saudasaun,” katak nia.
Nia
mos dehan eziste konsensu boot ida kona-ba nesesidade atu aumenta rigór no
kualidade servisu públiku nian, hamenus gastu no gasta osan estadu nian ho
kuidadu no konxiénsia. Enfin, eziste konsensu boot ida kona ba nesesidade atu
desentraliza no korriji departamentu sira-nia organizasaun bainhira
departamentu sira-nia dezempeñu ne’e la aseitavel. Tan ne’e membru governu
sira iha dever atu, uluk nana’in, fó ezemplu. Maibé dever ida-ne’e la’ós de’it
hosi membru governu sira maibe nu’udar sidadaun iha dever ba nasaun, inklui
Prezidente Repúblika tanba Timor presiza ema hotu nia dedikasaun.
“Traballadór
sira, sidadun sira hotu, preokupa ho sira-nia situasaun no família sira-nia
situasaun—buat ne’e normál, maibé labele buat hotu hanesan ne’e: ita tenke
hanoin mós ba nasaun,” katak nia. Nia informa katak atu dezenvolve no
hadi’a ema hotu nia moris rain doben tenke hanoin kona-ba nasaun nia interese,
la’ós de’it ba interese individual maibe ho dedikasaun ba Timoroan mak TL
bele alkansa moris ida ne’ebé di’ak liután. (BT)
Business
Timor - Pedro
Sem comentários:
Enviar um comentário