PROJETU TASI MANE PROVOKA EKONOMIA

DILI - Ministru Petroleo no Rekursu Minerais (MPRM), Alfredo Pires hatete Timor Leste  halao hela projetu tasi mane nudar dalan ida hodi  provoka mos ekonomia sira seluk para prepara ba nasaun bainhira tempu ruma mina menus. “Ida ne’e mak, tenki iha estudus lubuk ida para apoio sasan sira ne’e. Labele hanoin deit ba mina, iha neba (Suai) mos iha rai lubuk ida zona industria besik aeroportu. Entaun dinamiku ne’e interesante tebtebes iha ita nia rain,” dehan Alfredo ba jornalsita Business Timor semanaa liu ba iha Parlamentu Nasional.

Governante ne’e dehan, ema la fiar. maibe dinamiku mak ida ne’e, ita tenki fiar kosta sul tanba kosta sul laos ki’ik. Ministru ne’e esplika katak impaktu negatvivu ne’ebe ita tenki jere, maibe iha mos impaktu pozitivu ba ita nia ekonomia. “Ita nia problema mak, ekonomia maibe ita tenki halo buat ruma para roda ekonomia ne’e komesa lao, para bele sustenta ita nia rai ba futuru,” dehan Ministru Alfredo.

Tanba tuir nia hatene iha neba (Suai) as vezes kondisaun infra-estrutura lubuk ida mak seidauk iha, ne’ebe ida ne’e bele provoka ita nia ekonomia ne’e lao ba oin. “Kuandu tasi mane ne’e lao ona laos pozitivu deit ba populasaun iha tasi mane, maibe ba nasaun Timor-Leste tomak,” katak Alfredo. Ministru Petroleo  ne’e eplika, Suai Supply bays (SSB), ita komprende tasi mane to ikus mak, portu, aeroportu, estrada, iha fatin potensia barak ne’ebe tenki loke infraestrutura, tanba governante nia hanoin ba tasi mane ne’e, laos ba minarai deit. 

Tuir nia komprensaun, infrastrutura uza ba dezemvolvimentu nasional ne’ebe jeral, entaun ida ne’e pakote integradu ida. Nia fo ezemplu mak Suai Supply Bays, ne’ebe parte ida halo ba minarai nian, maibe parte seluk hanesan portu. Tuir governante ne’e katak kosta sul rai tetuk no rai bokur ita presija loke nia potensia, entaun hanoin ne’e lao hanesan ne’e, ne’ebe dala ruma parte petroleo nian mak menus hela, parte non petrolíferus mos lao nafatin. 

“Hau nia parte hare potensialidade sira seluk, ne’ebe bele mosu iha kosta sul hanesan agrikultura, floresta, turismu. Area sira ne’e mak sei ajuda, ne’ebe integradu uituan ne’ebe laos ba tinan 5 nian laran maibe tempu naruk tanba ne’e la’os ki’ik,” katak Ministru Alfredo. Nia hatutan se ita la iha entaun ita kontinua zero nafatin, ne’ebe tenki hanoin naruk uituan. la bele riska demais, maibe tenki foti risku ruma duni, ne’ebe sasan hotu bazeia ba estudus, se seitor hotu lao diak ne’e diak ba ita. (BT)

Business Timor - Roly

Lee mos:

TP promove produtu tais liu hosi fashion

SEPFOPE entrega makina tijolu ba grupu juventude Aileu

GKFM sai vensedor premiu nutrisaun tinan 2015

MCIA Selebra loron 20 de Maiu ho Populasaun Ermera

PR no MAP halo koileta háre iha Bobonaro

Taur: Sein estabilidade sei laiha dezenvolvimentu