Governu Gasta Osan Juta 4 ba Kompania Internasional 2 Produs PI

DILI - Ministeriu Justisa offisialmente asina kontratu ho kompania internasional Jemalto husi Singapura no Vise Mitra husi Indonesia, ba projetu Passaporte Elektroniku (PI) ho total osan $ 4 miloens.

Tuir Ministru Justisa, Ivo Valente katak, servisu neebe governu liu ona mak prosesu faze konkursu. No agora tama ba fase atu halo passaporte foun iha 2016 mai, passaporte elektronika neebe sei tuir estandar internasional nian. Neemak ohin governu offisialmente halo asina kontratu ho kompania rua nee hodi produs passaporte elektronika iha 2016.

Ita bele halo ona passaporte foun iha 2016 mai. Agora ita sei uza lai ida neebe tuan nee, depois sira produs dadauk mak fase tuir mai ita sei fo modelu ba sira mak depois produsaun tinan ba tinan mak ita dada ida fali hodi lansa ida foun nee.  Vantajen husi passaporte foun neemak passaporte elektrojnika nee uza ship elektroniku, ita nia identidade iha laran hotu. Ema neebe uza pasaporte ida nee nia bele ba abontade iha seguransa ba nia identidade nudar Timor oan tanba iha kedas ship,” dehan Ivo ba jornalista, depois asina kontratu ho kompania rua nee iha Sentru Formasaun Judisiariu, Caicoli, Kinta (03/12/2015).

Nia hatutan, bainhira tama iha kualker Aeroportu, makina lee identidade nee hetan kedas. Neemak vantajen diak liu ho pasaporte ida neebe mak agora iha. Passaporte nee sei hahu iha tinan oin mai mak foin produs.

Entertantu antes nee Diretora Nasional Rejistu Notariadu Maria Fatima hatete, iha 2015 nee governu tau ona orsamentu atu halo passaporte elektroniku, tuir estandar internasional nian. Informasaun kompletu iha STL Jornal no STL Web, edisaun Sesta (4/12/2015). Domingas Gomes/Joao Anibal

Suara Timor Lorosae