PR TAUR PROMULGA LEI PARPOL

Lei foun ba partidu politiku (parpol) la iha inskontsutusionalidade, tanba ne’e, Prezidenti Reupblika (PR), Taur Matan Ruak, promulga ona no hatutan ona ba Tribunal Rekursu (TR) hodi halo apresiasaun.

Vise prezidenti komisaun A Parlamentu Nasional (PN) ba asuntus Lei, Konstitusaun, Poder Lokal, Justisa no Anti Korupsaun, Arão Noe de Jesus, informa katak, PR Taur peomulga ona lei parpol ne’e iha semana kotuk no haruka ba ona TR hodi halo apresiasaun.

Ba jornalista sira iha PN, Kinta (28/1/2016), membru Bankada CNRT ne’e hateten, lei parpol ne’e tama iha invigor ona, tanba ne’e partidu ne’ebe atu hari’i foun minimu tenke iha asinantes 20.000 .

Arão Noe hateten, falta deit maka lei orgaun eleitorais ne’ebe iha hela tribunal no tribunal haruka ona karta mai parlamentu, komisaun A haruka tiha ona resposta ba prezidente nia pedidu ne’ebe tribunal hare ba inkonstitusionalidade ne’e. Ho nune’e, iha tempu badak tribunal bele deside ona.

Antes ne’e, PN aprova tiha lei ne’e hodi haruka ba PR Taur hodi promulga, maibe PR Taur konsidera inkonstitusional ne’ebe haruka fali ba TR, mas iha TR hare katak la iha inkonstutusional ne’ebe haruka fali ba PR hodi promulga ona.mia

Jornal Nacional