Ezonerasaun La Iha Baze Legal, Tenki Rezolve

DILI - Ezonerasaun ba Xefi Estadu Maior Jeneral F-FDTL Maijor Jeneral Lere Anan Timur, la iha baze legal, diak liu orgaun Soberanu sira hotu tenki tur hamutuk hodi rezolve, laos kria polemika.

Lia hirak nee hatoo husi Prezidente Partidu Fretilin Fransisco Guterres Lu-Olo, liu husi konfrensia inprensia, iha Comite Central Fretilin (CCF), Comoro, Dili, Segunda (29/02/2016).

Partidu Fretilin la iha buat ida konaba Ezonerasaun, nomeirasaun ou atu nomeiasaun ba se deit. Atu ezonera Lere no nomeia fali Filomeno ou nomeia fali sese deit, ami Fretilin respeita desizaun estadu, maibe desizaun ida nee sai polemika tiha fali, tamba nee tenki hare dezisaun ida nee nia baze legal konstitusinal ka lae, se la iha baze legal konstitusional, orgaun soberanu sira tenki hare para rezolve,” hateten Lu-Olo.

Nia hatutan tuir nia rona governu aprezenta rekursu ba Tribunal, para atu deside konaba kazu nee, neduni Fretilin hein deit bainhira Tribunal deside afavor ezonerasaun ou kontra ezonerasaun tuir Kontituisaun neebe vigora iha TL.

Iha parte seluk Veteranus Alberto Esperansa hateten lideransa sira la bele halo povu tauk, karik iha liafuan ruma maka la kona malu husu atu halo dialogo, atu nunee bele rezolve problema nee. Informasaun kompletu iha STL Jornal no STL Web, edisaun Tersa (1/3/2016).  Joao Anibal

Suara Timor Lorosae