Horta: “Maun Xanana, Taur, Lere no Lu-Olo Tenki Hanoin Luta Tinan 24,”

DILI - Eis Gireliru atual Ministru Planiamentu Estrateziku Investimentu Xanana Gusmao entrega Medalia Grande Kolar orden Guerileiru ba estadu. Ba kestaun nee Eis Prezidente Republika Jose Ramos Horta husu ulun boot sira tenki hanoin luta tinan 24 iha ai laran, hodi lori Timor Leste ba dalan dame no ukun rasik Aan.

Tuir premiadu Nobel ba Paz, Jose Ramos Horta katak durante halao enkotru ho Prezidente Republika Taur Matan Ruak la koalia kona ba eis Guerileriu Xanana Gusmao neebe intrega hikas Medalia Grande Colar do ordem Guerileiru ba xefi Casa Civil  Palasiu Prezidensial.

Maun Xanana terus no Sofre los ita uluk temi ema nia naran, nee ema umanu sentimentu maibe  maun Xanana Direze Luta estratezia iha Foho, Taur ejekutivu, Lere operasional, sira mak kaer ita nia bandeira,” dehan Horta ba Jornalista, Segunda (29/02/2016) iha Palasiu Prezidensial Nicolao Lobato.

Nia hatete maun Xanana, Lere, Taur, Lu -Olo no veteranu sira tenki hanoin katak tinan 24 hamutuk iha ailaran hodi kontribui ba luta, neebe ohin loron nasaun Timor Leste hetan dame no independensia.

Iha fatin hanesan Vice Ministru Solidaridade Sosial Miguel Manetelu neebe hasoru malu mos ho Prezidente Republika Taur Matan Ruak, nia parte la fo komentariu ba asuntu Xanana Gusmao entrega fali medelia ba Prezidente tamba laiha kompetensia.

Kestaun Nee Jornalista sira tenta atu halo konfirmasaun ho Xefi Casa Sivil Palasiu Prezindensial Rui Gomes, sei marka hela audensia hein depois halo konfirmasaun. Informasaun kompletu iha STL Jornal no STL Web, edisaun Tersa (1/3/2016).  Timotio Gusmao

Suara Timor Lorosae