Hili Lata Sosa Sapatu

Moris ne’e maka problema, problema ne’e maka moris. Moris maka kiak nia laran no kiak maka moris nia laran. Atu sai problema no kiak [matenek] tenki sakrifika án hodi buka osan rasik. Matenek bele deskobre mundu diak. Dalan atu deskobre mundu tenki serbisu hisik kosar hodi buka osan atu bele deskobre ida-idak nia mundu.

Hakarak sai  matenek tenki sai dolar maka foin bele hetan osan dolar. Dolar maka sai xave importante atu loke odamatan susesu no moris diak nian. Tan de’it osan dolar, nia tenki oferese  an hisik kosar [kosar metan suli] hodi hetan osan dolar doit metan ida. Osan bele halo buat hotu-hotu iha ita nia moris loro-loron nian.

Tanba senti an rasik lakohi lakon oportunidade eskola, labarik sira ho idade ne’ebe maka sei nurak tenki esforsu an hodi buka osan iha Lixu Fatin Tibar nia laran para ajuda inan aman hodi hola sapatu, kadernu no  lapizeira. Loron ba loron labarik sira tenki  hein lixu ne’ebe maka Kareta Saneamentu tula hodi fakar iha Tibar. Lixu Tibar fatin ida ne’ebe maka akumula lixu hosi fatin hotu-hotu iha kapitál Dili ba fakar iha Tibar.

Durante ne’e Lixu Tibar maka sai belun diak ba labarik sira ne’ebe maka hela iha Tibar, tanba loron ba loron sempre halibur labarik sira hodi buka moris iha fatin ne’e. Dalabarak ema hateten, labarik ne’ebé maka ho idade minoridade wainhira eskola ona, ne’e inan aman nia responsabilidade  atu buka osan ba nia oan sira atu ba eskola. Maibé, realidade akontese labarik  sira mós buka osan rasik hodi hola kadernu no sapatu.

Ida ne’e maka akontese ba labarik Juvano Ribeiro ne’ebé oras ne’e eskola iha  primeira siklu  Eskola Tibar. Nia dehan, dadersan ba eskola, lokraik sai hosi eskola ba hili lata át, hafoin lori ba tetu hodi hetan osan. “Ami lori ba tetu kilo ida 50 sen. Loron ida dalaruma ami hetan  5 Dollar hanesan ne’e. Osan ne’e, ami lori hola sapatu ho kadernu,” dehan Juviano iha Tibar, Munisipiu Liquiça, Sabado (06/02/2016). (Arif)

Matadalan