KAFE KUALIDADE TUN TANBA MUSAN KIIK

Ministru Planeamentu Investimentu Estratejiku (MPIE), Kay Rala Xanana Gusmão, hateten,  Kafe Timor kualidade tun tanba nia musan kiik.

 “Ita nia kualidade  kafe tun, Ministru (Estanislau da Silva)  hatene liu ha’u,    ha’u hatene oituan,  maibe ha’u hemu kafe dor liu nia,   ita nia kualidade  kafe tun  tanba kafe nia musan kiik ona,  ita mos redus kualidade kafe,”esplika Xanana liu husi enkontru  setor  publiku no setor privadu iha Suai Gala Room,  Timor Plaza Dili  Kuarta (20/07).

 Maske nune’e,  Xanana dehan, Timor ninia Kafe sei fa’an iha liur tanba kualidade,  la’os hatun tiha kualidade kafe Vietnam, no  kafe husi Brazil.

Xanana hatutan, efeitu multiplikativu seluk maka Ministerio Estadu Kordenador Asuntu Ekonomia no Ministru Agrikultura Peskas  tenki haka’as an atu nune’e produtu Timor nian bele kompete maka’as iha merkadu internasional.

 “Tanba  ita atu produz to’o iha ne’ebe ita la konsege kompete iha merkadu internasional,  ita atu kompete  iha ne’eba ho kualidade  oituan,”dehan Xanana.

Hanesan ne’e mos, Xanana dehan, koalia kona-ba Tibar karik  la’os  deit kontentor hira maka tama no kontentor hira maka sai ba  lae.

“Agora  ita halo tiha iha ne’eba mas setor  privadu maka la komesa hanoin ona estuda  oportunidade atu   oin nusa,   atu halo planu ida dehan,   ai imi maka asesu ba kapital karik.  Ne’e maka ha’u husu favor ida ba ita bo’ot sira komesa hanoin,”tenik  Xanana. avi

Jornal Nacional