Governu
turku dekreta iha loron-kinta suspensaun hosi Konvensaun Europeiu ba Direitu
Ema sira nian bainhira hala'o estadu emerjénsia, ne'ebé hahú ona iha
loron-kinta ne'e no sei hanaruk to'o loron 40 ka loron 45, menus duké fulan
tolu ne'ebé fó sai antes.
Visi-prezidente
Governu nian, Numan Kurtulmus, esplika ona katak suspensaun hosi Konvensaun
"la sei hanesan ho ida ne'ebé halo iha Fransa", iha referénsia ida ba
medida sira ne'ebé foti iha Fransa hafoin deklarasaun sira hosi estadu
emerjénsia tanba atentadu terorista sira iha fulan hirak ikus ne'e.
Iha
deklarasaun sira ba media iha Ankara, Kurtulmus hatete katak Governu iha
objetivu atu estadu emerjénsia hanaruk to'o loron 40 ka loron 45, no la'ós ba
fulan tolu ne'ebé fó sai antes hosi Prezidente Recep Tayyip Erdogan iha
loron-kuarta.
Xefe
Estadu justifika ona deklarasaun hosi estadu emerjénsia tanba nesesidade hodi
"hametin demokrasia" no lokaliza responsável sira ba revolta golpista
iha findesemana liubá.
Nune'e,
Kurtulmus insisti iha loron-kinta ne'e katak deklarasaun hosi estadu emerjénsia
la signifika aplikasaun ba lei marsial no sidadaun sira sei la senti afetadu.
"Sei
la bandu direitu sira reuniaun no manifestasaun nian. Sei laiha rekolla
obrigatóriu no laiha retrosesu iha avansu demokrátiku sira", afirma ona hosi
visi-primeiru-ministru.
Kurtulmus
promete ona katak "parlamentu sei loke no funsiona".
Visi-prezidente
Ezekutivu akuza fali klérigu islamita ne'ebé eziladu iha Estadus Unidus,
Fethullah Gülen, ba envolvimentu iha tentativa golpe Estadu nian no hatete katak
Gülen diriji "organizasaun terorista ida".
"Nia
objetivu [ema golpista sira] la'ós golpe ida Estadu nian. Maibé hakarak oho
Prezidente Erdogan no lori nasaun ba funu naruk ida ho Síria", nia
hatutan.
Iha
referénsia ida ba pedidu ne'ebé haruka ba Estadus Unidus hodi halo estradisaun
Gülen nian, Kurtulmus sujere ona ba Washington atu hanoin iha Turkia nia fatin.
"Oinsá
sira senti bainhira saserdote ida hakarak estraga Estadus Unidus no ba Turkia
hodi hela iha mansaun ida…”, nia hatete.
SAPO
TL ho Lusa - Foto: Sedat Suna /EPA
Sem comentários:
Enviar um comentário