Membru
Parlamentu Francisco da Costa, ejiji governu atu monta fatin lixu iha bairo
hotu iha Dili laran, fasilita komunidade sira soe foer tanba komunidade balun
iha konsiensia soe foer iha fatin, maibe fatin laiha.
Nia
preokupa, tanba governu ejiji komunidades atu soe foer iha fatin lixu maibe
governu rasik la kria kondisaun apropriadu ba komunidades atu soe foer iha nia
fatin.
Nia
hateten, kestaun ne’e la’os akontese deit iha munisipio Dili maibe iha
munisipiu hotu inklui Baucau, komunidade kontinua soe feor iha estrada ibun
deit.
“Hau
hanoin ita presiza kria fatin lixu iha munisipio sira tanba iha fatin ne’ebe
hau hela ba (Baucau) povu balun iha konsiensia atu tau foer hamutuk maibe laiha
fatin,” nia levanta iha plenaria Parlamentu Nasional.
Ne’ebe
tuir nia, foer nakonu iha estrada ibun la’os tanba komunidades laiha
konsiensia, maibe fatin lixu mak laiha.
Hatan
ba kestaun ida ne’e, Xefe Ekipa Saneamentu Munisipio Dili, Domingos dos Santos,
hateten governu iha container foer nian ne’ebe tau iha estrada ibun atu
komunidades bele utilize, maibe espasu atu hatur container sira ne’e mak
laiha.
“Esforsu
ne’ebe ami halo mak kada loron ami nia ekipa tula foer sira ne’ebe komunidade
sira tau hamutuk iha estrada ibun,” nia hateten.
Nia
dehan, governu kontratu ona kareta trek hamutuk 40 hodi tula foer sira iha
sidade Dili laran.
Alende
ne’e, nia informa mos katak liu husi Programa Nasional Dezenvolvementu Suku
(PNDS) konsege konstrui ona fatin lixu permanente hamutuk 219 iha sukus no tau
ona container 27 iha sidade laran atu komunidade bele uza.
The
Dili Weekly
Sem comentários:
Enviar um comentário