Povu
agradese Prezidenti Repúblika (PR), Taur Matan Ruak ho eis Primeiru Ministru,
Kay Rala Xanana Gusmão, tanba konsege halo ona mudansa ba povu Timor Leste (TL)
nia moris, durante tinan 14 nia laran ne’e.
“Ami
agradese ba Prezidenti no eis Primeiru Ministru Xanana Gusmão, tanba ami nia
Suku Fatubesi ne’e, 90% povu hetan ona eletrisidade, falta uma kain ida rua mak
seida’uk hetan,” dehan komunidade Manuel Branco Goncalves, bainhira dialogu ho
PR Taur Matan Ruak iha Suku Fatubesi, Postu Administrativu Maubise, Munisipiu
Ainaro, Tersa (09/08).
Manuel
Branco Goncalves mós informa katak, povu iha Suku refere mós preokupa
kona-ba estrada, tanba produtu lokal povu iha Suku refere barak tebes,
maibé estrada mak difikulta sira atu lori sira nia produtu ne’e ba faan iha
kapital.
Hatan
ba preokupasaun ne’e, Prezidenti Repúblika (PR), Taur Matan Ruak hateten katak,
Estadu nia mehi ida de’it, povu tomak iha Timor Leste tenki senti benefisiu
husi ukun an ne’e.
“Ha’u
hanoin iha Timor Leste Suku hotu ne’ebe ha’u vizita ne’e, imi iha ne’e mak
di’ak liu ona, tanba 90% populasaun iha hotu ahi,” katak Taur Matan Ruak.
Xefi
Estadu ne’e haktuir, iha Suku barak mak preokupa kona-ba eletrisidade tanba
tinan barak ona sira sedia’uk hetan naroman.
“Balu
husu mai ha’u katak, Prezidenti Repúblika, ami ne’e Timor-oan ka lae, tanba ami
se moris iha nakukun laran, eletrisidade laiha, ami nia oan sira atu estuda
ladiak,” relata Taur Matan Ruak.
Kona-ba
estrada, Taur Matan Ruak dehan, agora dada’uk Governu fó prioridade ba estrada
nasionál, Suku barak iha Timor laran tomak estrada laiha.
“Imi
nia estrada ne’e, ladiak duni maibé, pelemenus kareta bele tama to’o iha imi
nia Suku, iha Suku balu, kareta sira laharee oin,” katak Taur Matan Ruak.cos
Jornal
Nacional
Sem comentários:
Enviar um comentário