Prezidente
eleitu saun-tomense, Evaristo de Carvalho, hatete iha loron-tersa katak la
preokupadu ho nível abstensaun ne'ebé rejista iha volta daruak hosi
prezidensial sira iha loron-domingu, ne'ebé nia manán ho votu espresu rihun 40
resin.
"Importante
maka ami konsege halo volta daruak ida ne'ebé di'ak, ami ina mensajen liu ona,
eleitór sira adere ona no ha'u senti vitoriozu ba votu sira ne'ebé ha'u
hetan", Evaristo de Carvalho hatete ba jornalista sira.
Pelumenus
54% hosi total eleitór sira hosi arkipélagu la ba vota iha volta daruak
prezidensial sira nian, ne'ebé kandidatu úniku, Evaristo de Carvalho, hetan ona
votu hamutuk 42.058, haktuir hosi informasaun provizóriu ne'ebé avansa hosi
Komisaun Eleitoral Nasional (CEN).
Konta
mós votu sira ne'ebé la vale hamutuk 7.567 no votu mamuk hamutuk 1.548.
Prezidente
eleitu bainhira reaje ba númeru sira ne'ebé avansa hosi Komisaun Eleitoral
Nasional saun-tomense (CEN) hatete katak nia eleisaun "hanesan moos no
loos", hodi subliña katak rezultadu sira konstitui liu 82% hosi votu
espresu sira.
"Ha'u
konta hamutuk votu rihun hitu resin relasionadu ho volta dahuluk, tanba ne'e
ha'u hanoin katak eleita ha'u ho di'ak. Agora hanesan momentu hodi ami serbisu
ba dezenvolvimentu ba ami nia nasaun, ema hotu fó liman ba malu, iha harmonia,
dame no estabilidade", subliña hosi Evaristo de Carvalho.
Prezidente
Repúblika Demokrátiku São Tomé & Prínsipe foun simu pose iha loron 03
Setembru oinmai iha serimónia ne'ebé prezidi hosi líder Asembleia Nasional nian
(parlamentu santomense nian).
Nia
asaun ofisial maka iha loron 06 Setembru, tempu ne'ebé sei prezidi serimónia
iha Loron Forsa Armada sira, ne'ebé nia nu'udar komandante supremu, tuir
hakerek iha Konstituisaun nasaun nian.
SAPO
TL ho Lusa
Sem comentários:
Enviar um comentário