Rai-nakdoko ho magnitude 5,7 akontese iha provínsia indonézia Papua

Rai-nakdoko ho magnitude 5,7 iha eskala Richter akontese horisehik iha provínsia indonézia Papua, maibé laiha alerta tsunami, nein notísia kona-ba vítima ka estragu materiál relevante.

Provínsia ne’e lokaliza iha extremu orientál Indonézia nian no iba oeste hosi illa Nova Guiné.

Servisu Jeolójiku Estadus Unidus (USGS), ne’ebé rejista atividade sízmika iha mundu tomak, lokalizka iposentru iha profundidade kilómetru 28 no 252 iha sudoeste Jayapura, kapitál provínsia indonézia Papua.

Illa Nova Guiné, ne’ebé metade osidentál pertense ba Indonézia no orientál ba Papua Nova Guiné, lokaliza iha "Anel de Fogo do Pacífico" nia leten, zona ho atividade sízmika no vulkánika maka’as no akontese rai-nakdoko kada tinan no réplika besik 7.000, maioria moderadu.

Rai-nakdoko ho magnitude 7,0 destroi tasi Bismarck iha tinan 1998, iha este hosi illa Nova Guiné, hamosu onda jigante ne’ebé hamate ema 2.200 resin no harahun aldeia dezena.

SAPO TL ho Lusa