Mane ida sona padre katóliku ho tudik iha igreja iha Indonézia

Mane ida horisehik sona padre katóliku ida ho tudik iha Indonézia no tuir mai tenta harahun enjeñu esplozivu iha igreja iha atake ida tan kontra minoria relijioza iha nasaun maioritariamente musulmanu ne’e, tenik polísia.

Padre Albert Pandiangan selebra hela eukaristia iha igreja ida iha sidade Medan, iha illa Sumatra, bainhira joven ida hakbesik ba nia no sona nia ho tudik iha liam karuk, tenik xefe polísia lokál, Nur Fallah.

Atakante ne’e lori mós enjeñu esplozivu simples ida, mibé nia la konsege harahun, hatutan.

"Ema balun tenta oho padre no, iha tempu ne’ebé hanesan, tenta harahun buat ruma, maibé buat ne’e la nakfera, suar de’it", afirma Nur Fallah.

Padre ne’e hetan kanek kaman no lori tiha ona ba ospitál.

Iha tinan hirak ikus-ikus ne’e akontese beibeik atake hasoru minoria relijioza sira iha Indonézia.

SAPO TL ho Lusa