DILI,
(ANTIL) – Sekretáriu Estadu Komunikasaun Sosiál (SEKOMS), Nélio Isaac
Sarmento husu ba mídia online Tafara.org atu ofisializa-án ou rejistu
nu’udar orgaun komunikasaun sosiál iha Timor-Leste.
”Tafara.org tenki
ba rejistu ona hodi bele sai orgaun komunikasaun sosiál legál”, Nelio Isaac
Sarmento fó hanoin bainhira partisipa selebrasaun tinan ida Tafara.org iha
edifísiu Sekretariu Estadu Juvenjtude no Desportu, Kinta, (25/8).
Kestaun
legál importante atu evita konflitu nema seluk nia interese hodi
halo krime.”Profisaun jornalista, dala-ruma ema uza hodi halo kejahatan (krime)
hanesan halo notísia bosok no sel-seluk tan”, Nélio hatete.
Atividade
jornalismu bele konsidera hanesan krime, kuandu kontra lei. Realidade mídia
ohin-loron dezenvolve-án maka’as. Jornalista sira iha nia profisaun tenke ka’er
metin kode étika jornalizmu.
Eis
jornalista TVTL ne’e, husu Timoroan sira-ne’ebé hili dalan sai jornalista,
tenki sai duni jornalista profesionál.
Selebrasaun
tinan ida Tafara.org realiza ho diskusaun meja redonda ho tópiku “Media Making
Change Journalism is not a crime”.
Oradór
sira iha diskusaun ne’e mak Sekretáriu Estadu, Nélio Isaac, Komandante
Jerál Polísia Nasionál Timor-Leste (PNTL), Júlio Hornay, reprezentante
organizasaun jornalista, Asosiasaun Jornalista Timor-Leste (AJTL), no
Timor-Leste Press Uniaun (TLPU), ONG Belun inklui jornalista sira. (jornalista:
Manuel Pinto; editor: Rita Almeida)
Foto:
Sekretariu Estadu Komunikasaun Sosiál (SEKOMS),
Nélio Isaac Sarmento ko'alia iha selebrasaun tinan ida mídia
Tafara.org iha edifísiu Sekretariu Estadu Juventude no Desportu, Kinta, (25/8).
Foto ANTIL/Egas Cristovão
Sem comentários:
Enviar um comentário