Membru Governu Egoismu, Korupsaun Buras TL

DILI – Korrupsaun buras iha Timor Leste tamba ema hanoin deit mak nia an, no lahanoin ba dezenvolvimentu no lakohi hadia povu nia moris.

Tuir Deputada Jacinta Abu Cau katak korupsaun buras iha Timor Leste tamba ema la iha sentidu nasionalismu no konsensia diak, hodi hare povu nia moris neebe mak sei kiak no terus no la hanoin kontribui ba dezenvolvimentu iha rai laran.

Hau hanoin fila fali ba membru governu ida-idak ninia responsabilidade moral hanesan Timor oan no tenke kontribui hodi hadia povu nia moris, maibe iha realidade korrupsaun buras iha Timor Leste,” dehan Deputada Jacinta ba STL, iha uma fukun PN, Kinta (20/10/2016).

Nia hateten, korupsaun mosu dalaruma iha setor publiku ka iha membru governu tamba nesesidade familia nian mak aas liu, duke nesesidade komum povu nian neebe dalaruma hodi buka dalan korta, hodi halo korupsaun tamba egoismu mak domina liu.

Iha fatin ketak, tuir Veteranu Andre da Costa L4 katak korupsaun neebe mak buras iha Timor Leste, tamba sai tiha ona kultura ba povu no nasaun demokratika neebe mak foin hamrik durante tinan 14 nia laran. Informasaun kompletu iha STL Jornal no STL Web, edisaun Sesta (21/10/2016).Domingos Piedade Freitas

Suara Timor Lorosae