Lansa PAN, PM Rui: Prepara Feto Hahu Husi Uma Kain

DILI - Primeiru Ministru (PM) Rui Maria de Araujo halao lansamentu ba Planu Asaun Nasional (PAN), Rezolusaun Konsellu Seguransa Nasoes Unidus (PAN RKSNU) 1325, konba feto ba paz no sigeguransa.

Iha biban nee Xefi Governu apela ba povu tomak katak laos deit aumenta reprezenta feto iha nivel nasional iha pozisaun foti dezisaun, maibe hahu kedas prepara husi uma kain ida-idak.

Tuir PM Rui katak rezolusaun 1325/ 20) Outobru 2000, iha pontu 18, iha pontu ida primeiru husu ba pais hotu-hotu, atu aumenta reprezentante feto, iha posizaun dezisaun, iha nivel rejional, Nasional no internasional.

Maibe hau hakarak hakat pasu ida ba kotuk, hau hakarak apela ba Timor oan hotu-hotu, laos deit aumenta reprezentante feto iha nivel nasional, iha posizaun foti dezisaun, maibe hahu kedas husi uma kain ida-idak, iha uma kain ida-idak maka ita prepara futuru feto sira ba aban bainrua nia,” hateten PM Rui, liu husi intervensaun iha lansamentu PAN rezolusaun Konselu Seguransa Nasaoes Unidus 1325, konaba feto paz no seguransa, iha Salaun Kuartel Jeral F-FDTL, Fatuhada, Dili,  Kinta (20/10/2016).

Xefi Governu nee mos hatutan liu husi uma kain ida-idak maka Timor oan hatudu nia komprimisiu, aumenta reprezentante feto iha nivel nasional, rejional no internasional. Tanba nee Xefi Governu hanoin fator importante hakarak halo mudansa, laos deit ba feto maibe liu-liu ba mane.

Iha fatin hanesan Ministru Interior Longuinhos Monteiro hateten sira hatene katak iha sakra 21, sira observa no rezista iha mundu tomak iha rai ba rai, aumenta signidfikativu involvimentu feto sira iha area importante dezenvolvimentu estadu nian. Informasaun kompletu iha STL Jornal no STL Web, edisaun Sesta (21/10/2016). Joao Anibal/ Luciana Ximenes

Suara Timor Lorosae