Prezidente
Indonézia nian, Joko Widodo, defende ona uzu hosi kastrasaun kímiku hanesan
dalan hodi "hamoos" hosi nasaun ne'e hosi krimi seksual sira, inklui
pedofilia, iha entrevista ida ne'ebé transmiti hosi kadeia televizaun britániku
BBC iha loron-kuarta ne'e.
"Iha
ha'u nia opiniaun, kastrasaun kímiku, bainhira aplika ho dalan konsiente, sei
hamenus krimi seksual sira no ho tempu bele hamoos sira", nia defende ona.
Iha
semana liubá, parlamentu indonéziu aprova ona lejislasaun foun ida ne'ebé halo
todan kastigu sira ba krimi sira violénsia seksual hasoru labarik ki'ik sira
ne'ebé inklui kastigu ba mate.
Reforma
ne'e adopta tiha ona maski metade parlamentu rejeita no iha objesaun étiku sira
ne'ebé maka hato'o hosi asosiasaun sira médiku nian.
Prezidente
indonéziu hatete katak bainhira médiku sira rekuza atu halo kastrasaun, justisa
bele husu ba médiku militar sira hodi hala'o kastigu ne'e.
"Ami
nia Konstituisaun respeita direitu ema sira nian maibé bainhira hanesan krimi
seksual sira labele iha permisaun. Ami sei hanesan rigorozu no sei firmi",
afirma hosi Widodo.
Widodo
hato'o mudansa lejislativu iha fulan-Maiu hafoin labarik-feto ida ho tinan 14
sai hanesan vítima hosi violasaun koletivu ida no hafoin ne'e oho nia iha
eskola ida iha illa Sumatra.
Kazu
ne'e hamosu manifestasaun oioin hosi ativista sira no hamanas rede sosial sira
ho apelu sira hodi hametin kastigu sira ba krimi sira pedofilia nian.
Widodo
simu pose nu'udar Prezidente Indonézia iha fulan-Outubru 2014, hafoin manán eleisaun
sira iha fulan-Marsu 2014, tanba nia imajen polítiku moos no reformista.
Konserva
popularidade aas iha nasaun, maski nia imajen iha nível internasional hahú
danifika hafoin halo fali ezekusaun sira ba prezu sira ne'ebé hetan kondenasaun
tanba narkotráfiku, barak liu ema estranjeiru sira, hafoin tinan barak hein
kleur ba kastigu.
SAPO
TL ho Lusa
Sem comentários:
Enviar um comentário