quinta-feira, 20 de outubro de 2016

Deskunfia, Januario sosa kareta privadu ho osan Estadu, Projetu eletrisidade balun fo malu deit


Komisaun Anti Korupasaun (KAK), notifika Vise Ministru Eletricidade, Januario Pereira, hodi marka prezensa iha KAK, tanba deskunfia lori osan Estadu nian  hodi sosa  kareta privadu.

La’os ne’e deit, KAK mos notifika Januario Pereira, ba prosesu projetu eletrisidade nian balun ne’ebe laliu husi tenderizasaun, maibe foti fo ba malu deit.

Januario Pereira to’o iha Edifisiu KAK, tuku 09:00 Otl ho kareta Estadu numeru polisia 00-027G ne’ebe akompanha husi nia konduteros. Nia lao ho fiar an hakat ba salaun KAK nian priense lista prezensa no tama kedas iha sala investigasaun laran.

Durante oras ida resin, KAK investiga Januario Pereira. Maibe, Januario lakohi fo esklaresimentu ba media ne’ebe hein hela nia durante submete ba investigasaun.

“Hau la bele fo komentario ne’e segredu jusitsa,’’ Januario Pereira, lia tun ba jornalista sira, hodi responde ba pergunta konaba karik prezensa iha KAK ne’e tamba deskonfia uza osan Estadu hodi sosa kareta privadu nomos prosesu tenderizasaun ba eleterisidade ne’ebé latuir dalan lós.

Hafoin remata investigasaun iha KAK. Nune’e, nia hakat ho lalais deit sae kareta Estadu nian ne’e liu kedas ba ninia repartisaun servisu nian.

Bainhira jornalista sira tenta konfirma fali ho parte departamentu investigasaun KAK, sira mós rezeita lakohi fó informasaun. Ho razaun, prosesu ne’e hotu sei kategoria segredu justisa.nia

Jornal Nacional

Sem comentários: