Defesa Emilia Hatama Rekursu

DILI – Tuir orariu iha loron (8/1) hanesan loron ikus ba defesa arguida Emilia Pires no Madalena Hanjam, atu halo rekursu. Ohin no aban defesa Emilia Pires foin hatama rekursu.

Tuir Defesa arguida Emilia Pires, Jose Pedro Camoes katak, ohin no aban (red-Sesta no Sabadu) mak foin hatama rekursu. Tanba data determinante mak iha loron (8/1), maibe tanba loron nee monu iha Domingu. Entaun rekursu nee sei hatama iha Sesta no Sabadu.

Rekursu nee defesa sei hatama uluk ba iha seksaun krime nian, mak foin seksaun lori ba iha juiz prosesu. Depois haruka ba iha juiz prosesu mak foin haruka ba iha Tribunal Rekursu hodi hein rejultadu ikus.

Arguida Emilia iha loron (20/12) tuku 10:00 dader Tribunal Distrital Dili aplika pena prizaun tinan hitu (7) tanba provadu komete krime partisipasaun ekonomiku iha negosiu neebe previstu iha artigu 299 numeru 1 kodigu penal.

Liu husi audensia julgamentu tribunal deklara, julgamentu halao durante tinan ida fulan rua loron 15 nia laran mak ohin halo akordaun. Iha alegasaun MP fo sai faktus hotu aprovadu no parte defesa konsidera akuzasaun zero. Husi parte rua nee tribunal konsidera parsialmente katak faktus balun provadu no balun la provadu. Faktus neebe provadu mak hanesan arguida nain rua kaer kargu hanesan ministra finansas no vice ministra saude, arguida nain rua nia kargu nee baseia ba lei neebe iha.

Arguida Emilia Pires ho Worren Macleod hanesan fen ho laen. Emprezariu refere hanesan arguida Emilia nia laen. Delegasaun kompetensia vigura ba kontratu B, nee baseia ba deklarasaun testamuna sira nian. Informasaun kompletu iha STL Jornal no STL Web, edisaun Sesta (6/1/2017). Domingas Gomes

Suara Timor Lorosae