Dom Basilio, Kaju Emilia Sai Presedente Iha Futuru

BAUCAU – Bispu Dioseze Baucau, Dom Basilio do Nascimento hateten relasiona ho kaju Emilia Pires neebe mak seiudak fila mai iha Timor Leste, situasaun nee bele sai presedente ba kaju iha futuru.

Deklarasaun D. Basilio fo sai ba STL, kuandu Bispu Dioseze Baucau remata misa ba tinan foun nian, iha Igreza Katedral Baucau, Domingo (01/01/2016).

Iha Portugues buat ida naran presedente katak kundu ita kria ida uluk hanesan nee ona, ida nee sai referensia ba aban bainrua, ema tesi lia ba buat seluk mak ida neeba imi halo hanesan nee. Neebe presedente sai bebeik perigozu maibe too tribunal tesi lia, buat lubuk ida lao no akontese mak ita hare took,” dehan D.Basilio.

Nia hatutan, buat neebe tribunal halo hanesan desijaun tribunal sei tetu no hare, balun iha pro no kontra, razaun iha neebe, sala iha neebe buat neebe tribunal hola hanesan nee mak desizaun.

Iha fatin ketak, tuir admistrador Baucau, Antonio Gutteres katak kona ba kaju Emilia sai preokupasaun no tuir lolos nia sai ezemplu ba ema seluk atu koopera ho justisa, atu hatudu ba ema seluk lei nee ba ema hotu maibe Emilia Pires mos nuudar politiku no governante ida la hatudu fila fali ezemplu neebe mak diak ba iha povu kiik sira. Informasaun kompletu iha STL Jornal no STL Web, edisaun Kinta (5/1/2017). Domingos Piedade Freitas

Suara Timor Lorosae