quinta-feira, 5 de janeiro de 2017

Marvi: “Ha'u Agradese Ba Jesus…”

PARTILHAR
DILI: “Uluk nanain ha'u agradese ba Jesus, tanba akompaña ona ha'u, hosi inisiu to'o remata. Ida ne'e, hanesan orgullu tebes mai ha'u. Nune’e, ba oin ha'u bele hadi'a di'ak liután,” hateten Maria Vitória ba jornalista iha Sala VIP, Aeroportu Nicolau Lobato, Dili, Kinta (05/01). 

Kantora ne'e la haluha fó agradese mós ba Prezidente Repúblika, Taur Matan Ruak, eis Primeiru Ministru Xanana Gusmão, Governu Timor-Leste no mós Povu Timor-Leste tomak.

“Obrigada ba imi hotu nia domin, no deskulpa ha'u labele temi ida-idak nia naran. Domin ne'ebé imi fó ba, ha'u sura labele. Nune’e mós, ba povu Timor-Leste tomak ne'ebé maski loron manas imi pasensia hein hau," dehan Marvi.

Embaixadora Múzika

Iha fatin hanesan, Xefe Komisaun Organizadora simu artista Marvi, Ezme Borges dehan nia parte iha inisiu deklara tiha ona, Marvi sei sai hanesan Embaixadora Muzika ba Timor-Leste iha mundu internasionál.

"Hodi komisaun organizadora nia naran, artista Timor-oan hotu mai iha ne'e hamutuk ho laran haksolok hili alin Maria Vitória nu'udar ami nia Embaixadora. Duta muzika ba ami hotu Timor oan," Ezme hateten. (*)

Frei Belo – Ola Timor - Editór: Alexandre Assis

Foto: HIT LIMAN - Maria Vitoria, 4 lugar Dangdut Academy Asia 2 (DAA2), hamnasa no hit liman ba "Marvelos" rihun ba rihun, Kinta (05/01) iha aeroportu, Dili, (Olatimornews Foto/Aquino Campos)
PARTILHAR

Author: verified_user

Publicação luso-timorense sem fins lucrativos

0 comentários: