Dili,
(ANTIL) – Diretór Interinu hosi Diresaun Abastesimentu Água, Martinhos
Nahak informa, servisu água no saneamentu (SAS) hakarak tun hodi observa
direita problema bee moos ne’ebé sai preokupasaun ba komunidade Dili laran
liu-liu iha Suku Lahane Orientál no Becusse Kraik.
“Iha
observasaun ne’e hanesan meius atu hadia kanu sira ne’ebé kuak, tenke hadia
agora atu bee bele funsiona normál” Diretór Interinu hatutan ba ANTIL iha
ámbitu observasaun direita kanu ne’ebé mak hetan estraga hosi ema deskonesidu
iha Mota Becusse Kraik, Kinta (29/12).
Problema
bee moos iha suku rua ne’e, ho observasaun katak komunidade mak seidauk
iha konsiénsia atu kontrola kanalizasaun no estraga fali kanu sira hodi halo
kuak.
Diretór
Interinu hatutan, Bee moos sempre menus tanba populasaun iha sidade Dili
seidauk iha konsiénsia, koñesimentu, falta informasaun. “dezenvolvimetnu tenke
partisipativu, labele hein de’it governu atu halo buat hotu maibé autoridade
lokál no komunidade sira tenke partisipa iha setór bee moos, atu asesmentu bee
moos bele efetivu no efisiénsia” katak nia.
Maske
iha problema bee moos, nia esplika, wainhira hakarak rezolve bee moos ema hotu
tenke iha konsiénsia hodi labele estraga kanu. Ami iha ekipa rua hanesan ekipa
task force atu haree akontesimentu emerjénsia no ekipa OM atu tau matan ba
servisu manutensaun no operasaun.
Iha
fatin hanesan, Xefe Suku Lahane Orientál, Trindade do Amaral Pinto Batista
apresia tebes ba prezensa no observasaun hosi SAS atu bele hadia ho emerjensia
bee moos ne’ebé sai preokupasaun.
Hosi
Suku Lahane Orientál ho totál populasaun 10 mill resin hosi Aldeia 13 ne’ebé
kompostu hosi Aldeia Depozitu Penál, Temporál, Monumentu Kalma, Metin,Tuba Rai,
Saree,Bekoi, Rai Mean, Vale Lahane, Marabia, Alekrin, Seurama. (Jornalista
: Zezito Silva, Editor, Otelio Ote)
Foto:
Diretór Interinu, Martinhos Nahak ho nia ekipa tékniku sira tun hodi observa
direita kanu ne’ebé mak estragadu hosi ema deskoñesidu iha Mota Becusse Kraik,
Kinta (29/12), Foto/ Zezito
Sem comentários:
Enviar um comentário