DILI: Eis
Prezidente Repúblika José Ramos Horta deklara katak eis Primeiru Ministru Kay
Rala Xanana Gusmão mak fó garantia ba eis Ministra Finansas Emilia Pires ba
Nova Iorke hodi partisipa iha enkontru G7+.
Iha
fulan Setembru nia laran, Tribunal Distrital Dili fó autorizasaun ba arguida
Emilia Pires hodi reprezenta Timor-Leste ba Nova Iorke. Maibé, hafoin enkontru
ne’e remata, Emilia lakohi fila ona mai Timor-Leste.
Razaun
ne’ebé Emilia fó mak atu halo operasaun ba nia ain iha Australia. Maibé, hein
ba hein, ikus mai arguida deklara katak nia la fiar ba sistema judisiariu iha
Timor-Leste no dehan katak nia portugueza la’os timor-oan, tan ne’e nia husu
atu hala’o prosesu julgamentu iha Portugal.
Maske
nune’e, TDD kontinua hala’o prosesu julgamentu no ikus mai deside hodi aplika
pena prizaun tinan 7 ba Emilia Pires no tinan 4 ba Madalena Hanjam.
"Loloos
Emilia tenke fila, tanba nia sai husi ne'e (Timor-Leste) Ministru Planeamentu
no Investimentu Estratejiku, Maun Xanana mak fó garantia. Tanba ne'e Tribunal
mós husik nia ba," deklara Premiadu Nobel da Pas Jose Ramos Horta ba
jornalista sira iha Palasiu Prezidente Aitarak-Laran, Kinta (29/12).
Tuir
Horta, ho kondenada Emilia ne’ebé to'o ohin loron la fila, afeta ona ba prosesu
judisiariu iha Timor-Leste.
"Imajen
Timor nian monu, sa tan Timor mak lidera hela G7+. Laiha Ema ida mak bele halo
fali dezafiu ba desizaun Tribunal, mezmu pena ne'e demais ou todan maibé, tenke
enfrenta", katak Horta.
Horta
dehan, kazu Emilia nian tenke hetan dalan. Maske nia la hatene atu halo oinsa,
maibé estadu mak tenki buka meius hodi halo aprosimasaun ho estadu Portugal
hodi haruka Emilia fila mai TL.
"Ha'u
labele garantia Emilia fila ou lae maibé, estadu no Tribunal mak tenke asume
knar ne'e,” katak nia. (*)
Tomé
Amado – Ola Timor - Editór: Tellukoro
Foto:
Eis Prezidente Republika Jose Ramos Horta fahe informasaun ba jornalista sira.
(olatimornews FOTO: Pachar Malay)
Lee
mós
Sem comentários:
Enviar um comentário