Observadór UE ba prezidensiál timoroan hahú fahe ona iha nasaun

Ekipa ida ho  observadór Uniaun Europeia na’in 16 hahú ohin dezloka ona ba hela iha munisípiu ualu Timor-Leste nian, ne’ebé sei akompña iha fulan hirak tuir mai no konvite hosi  Governu timoroan, ba eleisaun prezidensiál no lejislativu nasaun nian.

Grupu ida ho obeservadór 16 hosi nasaun oioin hamutuk ekipa ida ho espesialista eleitorál na’in ualu – lidera hosi xefe  misaun, eurodeputada basca Izaskun Bilbao Barandica -  ne’ebé iha ona Díli atu akompaña aspetu oioin ba prosesu eleitorál hotu.

Barandica esplika ba dahuluk iha konferénsia imprensa misaun nian katak  grupu ho ema 23 hamutuk ho eurodeputadu na’in hitu-  ne’ebé sei to’o besik data votu prezidensiál iha  20  fulan-marsu -  no  diplomata europeu nian balun  ne’ebé akreditadu iha Díli.

Hafoin, eleisaun lejislativu (prevé ba inisiu fulan- jullu) sei mai tan iha Timor-Leste  observadór  liu 10, hasa’e  tan ba  50 númeru espesialista no observadór sira ne’ebé koloka ba prosessu eleitorál rua.

Iha enkontru ho jornalista sira Barandica konsidera kona-ba faktu ne’ebé UE  sempre marka  prezensa iha prosessu eleitorál timoroan nian dezde 1999 hanesan " sinál empeñu ida hosi  UE atu  apoiu dezenvolvimentu demokrátiku Timor-Leste nian".

Eurodeputada ne’e rekuza, iha agora, halo komentáriu ruma kona-ba  aspetu tékniku ka polítiku prosesu ne’e rasik, rekorda katak  prosesu observasaun ne’e "independente no  imparsiál" no avaliasaun  só halo iha relatóriu finál ho versaun dahuluk sei fó sai to’o oras  48 hafoin  votu.

Tuir nia, maski nuene’e, iha ona alterasaun ba situasaun polítika iha Timor-Leste kompara ho 2007 no 2012 no konsidera "pozitivu" ba faktu relasiona ba rekomendasaun balun ne’ebé halo hafoin  eleisaun liubá hosi  observadór UE implementadu ona.

Dezde semana ne’e espesialista europeu mantein ona reuniaun oioin ho autoridade eleitorál sira, kandidatu, partidu polítiku no reprezentante  hosi  sosiedade sivil.

Kandidatu na’in ualu  aprezenta ba eleisaun prezidensiál ne’ebé sei hala’o iha  20 fulan marsu, ho  períodu kampañahahú iha loron  03 fulan-marsu.

SAPO TL ho Lusa