sexta-feira, 24 de fevereiro de 2017

Partidu Demokrátiku timoroan hakarak fó lian ba jerasaun foun

PARTILHAR
Militante sira hosi Partidu Demokrátiku (PD) timoroan hahú iha loron-sesta ne'e, iha Díli, nia kongresu nasional datoluk, ne'ebé sei hili líder foun sira hodi reivindika katak kontinua reprezenta lian hosi jerasaun foun sira, hatete hatete hosi nia prezidente ba Lusa.

"Kongresu ne'e sei serve hodi hametin partidu no lideransa no iha tempu hanesan fortalese ami nia hanoin no misaun hodi avansa ba eleisaun jeral sira", explika hosi Adriano do Nascimento iha deklarasaun sira ba Lusa bainhira hahú enkontru partidu nian ne'ebé halo to'o loron-domingu.

Prezidente PD nian explika ona katak aspetu ida importante liu hosi enkontru ne'e maka revizaun hosi estatutu sira no eleisaun ba lideransa foun, "prosesu ida ne'ebé sei hametin partidu, prepara ema hotu hodi envolve iha eleisaun prezidensial sira no lejislativu sira" iha tinan ne'e.

Adriano do Nascimento fó hanoin katak PD moris hosi "grupu ida joven ativista sira nian" ne'ebé lidera hosi falesidu Fernando La Sama de Araújo, ne'ebé mate iha tinan 2015, no ne'ebé reprezenta nafatin hanesan alternativu ida ba nasaun.

"Ami sai hosi joven ativista sira, ne'ebé envolve ona iha luta. Ami nia fundador sira uluk, barak liu, maka hanesan joven sira ne'e. No sira iha mós hanoin foun ida hodi kontribui ba dezenvolvimentu nasaun nian", nia afirma.

Ho kandidatu ida iha eleisaun prezidensial sira iha loron 20 Marsu, atual minitru Edukasaun, António da Conceição, partidu sei aproveita prosesu ne'e hodi "hatudu ezisténsia hosi PD" no dinámika ida joven liu, nia explika.

"Hanesan teste ida antes lejislativu sira. Partidu ida hosi joven sira ne'ebé ami sei kompete ho sira ne'ebé katuas hosi CNRT ho Fretilin. Tanba ne'e ami nia kandidatu prepara aan di'ak hodi kompete ho jerasaun tuan sira", nia afirma.

Iha diskursu ba militante sira, Adriano do Nascimento, ne'ebé kaer kargu hafoin La Sama de Araújo mate iha tinan 2015, konvida ona ba debate ida kona-ba vizaun no misaun PD nian, hodi repete "kompromisu no empeñu hodi kontribui ba dezenvolvimentu nasaun nian no povu nian" no nia papel iha dezenvolvimentu nasional.

Reivindika papel hosi partidu polítiku sira iha konsolidasaun demokrátiku, Nascimento fó hanoin hikas lema hosi partidu, "Hanoin, Harii no Hametin" hodi defende proximidade maka'as entre asaun partidu nain ho aspirasaun hosi povu.

Husu ba militante sira hodi hala'o atividade ho "empeñu no responsabilidade", prezidente PD defende ona aposta renovadu ida iha estratéjia dezenvolvimentu nasaun nian.

Nia hatete katak tenki fó prioridade ba área edukasaun, saúde, saneamentu, infraestrutura báziku sira no hametin ekonomia - liuliu iha área sira hanesan agrikultura.

Nascimento defende ona "timorizasaun" hosi tribunal sira, defeza ba independénsia judisial no aumenta formasaun ba majistradus ira, hosi insisti iha ajenda "maka'as" ida no estratéjia nasional ida ba kombate hasoru korupsaun hosi ajente públiku no privadu sira.

Felisita knaar PD nian iha Governu koligasaun nian, hatudu orgullu ba "kontributu moral, polítiku no intelektual" ne'ebé fó ba ezekutivu konjuntu, hodi ajuda "inspira konfiansa hosi povu" no hametin instituisaun sira Estadu nian.

Iha termu internu, nia defende ona profisionalizmu no modernizasaun ba jestaun PD nian no manutensaun ba lasu sira ho partidu sira seluk iha nível nasional no mós iha nasaun viziñu sira, iha rejiaun no iha CPLP.

Abertura ba kongresu, ne'ebé hotu iha loron-domingu, hetan ona prezensa hosi reprezentante sira hosi partidu polítiku oioin, hosi membru sira korpu diplomátiku nian no individualidade timoroan sira balun hanesan eis-Prezidente José Ramos-Horta.

Delegadu besik na'in 1.500 partisipa ona iha kongresu datolu, ne'ebé halo to'o loron-domingu, iha Sentru Konvensaun Díli nian no ne'ebé sei hili lideransa foun no Komisaun Polítika Nasional foun ho elementu na'in 89.

SAPO TL ho Lusa - Foto@ António Sampaio /EPA/Lusa
PARTILHAR

Author: verified_user

Publicação luso-timorense sem fins lucrativos

0 comentários: