STAE Finaliza Verifikasaun Dadus Kandidatura 8

DILI – Sekretariadu Tekniku Administrasaun Eleitoral (STAE) nudar orgaun apoiu teknika ba prosesu eleisaun, nomos apoiu ba servisu Tribunal Rekursu hodi halo verifikasaun dadus asinantes husi kandidatura nain 8.

Kandidatura Prezidente Republika (PR) nain 8 mak hanesan Francisco Guterres Lu-Olo, Jose Luis Guterres Lugu, Antonio da Conceição Kalohan, Angela Freitas, Amorim Vieirra, Antonio Fatuk Mutin, Jose Neves Samalarua, Jose Luis A. Tilman.

Tuir Diretor Jeral STAE, Acilino Manuel Branco dehan, esforsu servisu STAE nian ba verifikasaun dadus asinantes husi kandidatura nain 8 remata ona.

Ita simu kandidatura nain 8 husi kandidatura nee, nain 6 nia rezultadu haruka ona, kandidatura nain 2 tarde liu, ohin nee ita sei haruka ba tribunal,” dehan Diretor Jeral STAE, Acilino ba STL iha nia knar fatin STAE, Caicoli-Dili, Kuarta (08/02/2017).

Diretor Jeral STAE, Acilino haktuir, maske dadus asinantes husi kandidatura nee barak maibe, esforsu funsionariu STAE nian halo servisu loron no kalan, Sabadu no Domingu kontinua servisu hodi finaliza tuir data neebe mak determina.

Iha fatin ketak, Sekretariu Jeral Kandidatura PR, Antonio Fatuk Mutin, Vladimir Saffi dehan, konaba karta neebe mak TR fo nee, problema konaba asinantes neebe mak seidauk too 5 mill.

Relasiona ho asuntu nee Jornalista sira hein Prezidente Tribunal Rekursu (TR), Guilhermino da Silva hahu husi tuku 9:50 too tuku 11:00 halo konfirmasaun asuntu nee ba Tribunal Rekursu (TR) maibe, laiha tempu atu hasoru jornalista. Raimundo S. Fraga

Suara Timor Lorosae