sexta-feira, 10 de fevereiro de 2017

MAIJEN LERE: “DIAK LIU LEGALIZA ARTEMARSIAIS”

PARTILHAR
Chefe Estadu Maior Falintil-Forsa Defesa de Timor Leste, Maijor Jeneral (Maijen), Lere Anan Timur, hateten, parte forsa defeza Timor Leste hato’o ona ba Governu, diak liu mak formaliza no legaliza grupu arte marsiais nune’e lider husi kada arte marsiais bele responsabiliza wainhira artemarsiais balu komete krime ruma.

“Konaba artemarsiais, ami mos hato’o ona hanoin balu ba Governu, diak liu mak ita formaliza no legaliza arte marsiais para ninia lider bele responsabiliza, e agora ita dehan SH no seluk tan, ne’ebe mak Governu taka ona, e nia ema hanesan la’o bandidu, ema ida la responsabilidade, maibe karik Governu legaliza entaun ita buka mak ninia lider ne’e,”deklara Maijen, Lere Anan Timur,  wainhira sai orador ba XXI seminariu konaba papel o cidadão desenvolvimento do bem estar, hala’o iha Centro de Convencoes de Dili (CCD), Kinta (09/02/2017).

Lere hatutan, hanesan forsas armadas, no policia instituisaun Estadu ninian, entaun hanesan soldadu ida komete erro ida, husu uluk mak ninia komadante, e komadante sei fo sansaun ba ninia soldadu.

“Ita preokupa arte marsiais, maibe ha’u hanoin katak artemarsiais ne’e buat ki’ik oan ida, e sira bele halo to’o iha ne’ebe mos timor sei la naben ida, e sira mak sei hakruk no sira mak sei simu nia konsikuensia tuir aktu ne’ebe mak sira komete bazeia ba lei,”haklean Lere.ito

Jornal Nacional
PARTILHAR

Author: verified_user

Publicação luso-timorense sem fins lucrativos

0 comentários: