quinta-feira, 9 de fevereiro de 2017

TL HO KOREA HAMETIN RELASAUN KOPERASAUN

PARTILHAR
Vise Ministru Negósiu Estranjeirus (MNE), Lim Namgsun Korea do Sul, hasoru malu ho Primeiru Ministru Rui Maria de Araújo iha Palásiu Governu, Kuarta (08/02), atu hametin liu tan koperasaun bilateral no hametin liu tan lasus de entre Timor-Leste no Repúblika Korea ba futuru.

Iha biban ne’e, Primeiru-Ministru espresa ba Vise Ministru ne’e, apresiasaun profunda ba relasaun amizade entre Timor-Leste no Républika Korea iha tinan sanulu-resin-liu nia laran ne’ebé hamosu oportunidade ba traballadores Timoroan atu ba servisu iha industria rai ne’e ba nian.

Primeiru-Ministru aproveita okaziaun ida ne’e mós atu informa kona-ba polítikas ne’ebé VI Governu Konstitusional hala’o daudauk ne’e kontinuasaun ba polítika dezenvolvimentu estabelese durante V Governu nia tempu.

Iha sorumutu ne’e, PM Rui ho Vise MNE ne’e mós koalia konaba   diversifikasaun ekonómika atu nune’e Timor-Leste limita dependénsia ba reseitas husi esplorasaun mina rai nian, mós aborda entre lideres rua no importánsia ba futuru sustentabilidade nasionál nian.
Kona ba asuntu diversifikasaun ekonómika, Vise Ministru Lim, hatete  ezemplu no esperénsia Républika Korea nian iha pasadu no oinsa maske infrenta dezafiu ida ne’e konsege duni hapara iha dékadas balun deit no bele sai rai dezenvolvidu ohin loron. Nune’e fiar katak Timor-Leste mós bele hasoru dezafiu ida ne’e no hadia ekonomia ba futuru.

Vise Ministru Lim reafirma mós suporta husi nasaun Républika Korea atu Timor-Leste bele tama ba komunidade ASEAN nian.

Molok reuniaun remata Primeiru-Ministru mós husu ba Vise Ministru atu Governu Républika Korea liu husi nia Ajensia Dezenvolvimentu Républika Korea nian, KOIKA bele mós suporta tan Timor-Leste nia sistema Information Communications Technology (ICT) nian ne’ebé foin lalais aprova liu husi Konsellu Ministrus.des

Jornal Nacional Diário
PARTILHAR

Author: verified_user

Publicação luso-timorense sem fins lucrativos

0 comentários: