Na’in sanulu-resin-rua mate hosi rai-halai iha Bali, parte Indonézia

Indonéziu, inklui labarik na’in tolu, mate iha illa Bali, parte Indonézia, hosi  sekénsia rai-halai ne’ebé  provoka hosi udan boot, informa iha ohin  autoridade sira.

Uma barak hetan estragus no danifika tebes iha  insidente ne’e, maka akontese kalan ne’e, iha Kintamani, sentru Bali nian.

"Udan-boot  rejista durante loron tomak  kinta-feira nian no kauza rai-halai iha  aldeia tolu  no hamate ema  12 ", haktuir  portavós ajénsia dezastre Sutopo Purwo Nugroho.

Labarik na’in tolu, ho tinan 1, 7 no 10, mate hosi aldeias rua ne’ebé afetadu. Ema na’in lima hetan kanek, tolu hosi sira ho kondisaun  gravé.

Ajénsia jestaun dezastre lokál informa katak abitante sira iha aldeia evakua ona hosi area hirak ne’ebé afetadu – dook hosi otél no resorts sira iha sul Bali – no seidauk hatene atu lakon.

Rai-halai  no inundasaun sai komun iha arkipélagu indonéziu, liliu durante tempu udan, iha fulan- janeiru no fevereiru.

Iha  dezembru, hamate ema 29 no 19 seluk lakon iha sekuénsia ba inundasaun no rai-halai ne’ebé atinje Garut, iha oeste boot liu iha illa indonézia, Java.

SAPO TL ho Lusa