quinta-feira, 9 de fevereiro de 2017

Xanana Gusmão ho alunu atus resin halai ba dame iha Timor-Leste

PARTILHAR
Líder istóriku timoroan Xanana Gusmão diriji iha loron-kinta ne'e grupu ida ne'ebé inklui alunu atus resin hosi eskola oioin iha Díli iha peace run ida ne'ebé, iha parte barak hanesan perkursu kilómetru lima, hanesan la'ó halimar.

Sri Chinmoy Oneness-Home Peace Run hahú iha entrada Parlamentu Nasional nian, ne'ebé iha grupu majoret sira hosi eskola Canossa fó kór no lian ba eventu ida ne'ebé hahú hosi nia kriasaun, iha 1987, to'o ona iha nasaun hamutuk 150 iha mundu tomak.

Xanana Gusmão, ho fatu treinu kór azul, ho bandeira timoroan nian iha fuan, sai hanesan estrela hosi prova ki'ik ne'ebé akontese iha dalan balun iha sentru sidade nian, entre Parlamentu Nasional, zona Kolmera, bairu Farol no hafoin ne'e liuhosi tasi-ibun to'o Palásiu Governu.

Hamutuk ho prezidente Parlamentu Nasional, Adérito Hugo da Costa, sekretáriu Estadu ba Juventude no Desportu, Leovigildo Hornay ho sekretária Estadu Arte ho Kultura, Isabel Ximenes, líder istóriku timoroan diriji grupu ida ho alunu atus resin hosi eskola oioin timoroan nian, inklui Escola Portuguesa de Díli.

Iha momentu balun, Xanana Gusmão, ho tinan 71, sei hala'i maibé parte barak liu nia la'ó halimar ka - iha fatin balun - halo marxa aseleradu oituan, besik nafatin joven sira ne'ebé hakilar nia naran dalabarak.

Bainhira hahú halai simbóliku, líder timoroan lori ahi ne'ebé reprezenta pasajen ida hosi sasin entre jerasaun sira no hanesan símbolu ida esperansa nian no mehi hanesan hosi humanidade ba dame no harmonia.

Líder timoroan aproveita ona mensajen badal ida ba partisipante sira, iha jardin Parlamentu Nasional nian - no iha estátua Sri Chinmoy nia sorin - hodi apela ba hakmatek, dame no estabilidade iha prosesu eleitoral sira tinan ne'e nian.

Mensajen ida ne'ebé hanoin ba prezidensial sira iha loron 20 Marsu no iha lejislativu sira iha inísiu fulan-Jullu.

Chinmoy, ne'ebé mate iha tinan 2007 ho tinan 76, hanesan filózofu ida no profesór indianu ida ne'ebé sai koñesidu tanba promove eventu oioin, entre konsertu sira, meditasaun sira no halai sira, ho tema dame interior no harmonia mundial.

Sentru sira meditasaun Chinmoy nian ohin loron ezisti iha nasaun sanulu resin iha mundu tomak.

"Sri Chinmoy Oneness-Home Peace Run", ne'ebé harii iha tinan 1987, mosu hanesan dalan ida hodi halibur ema sira iha eventu ida ne'ebé global no mós lokal, no nune'e maka to'o iha ema rihun resin iha mundu tomak.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: