sexta-feira, 10 de fevereiro de 2017

BESIK ELEISAUN JERAL, UPF HAMETIN SEGURANSA IHA FRONTEIRA

PARTILHAR
Komandante Operasaun Polisia Nacional Timor Leste (PNTL), Superendente Chefi,  Henrique da Costa, informa katak, eleisaun jeral Prezidensial no parlamentar besik dadaun ona, tamba ne’e Unidade Polisia Fronteira (UPF) sei hametin liu tan seguransa iha liña fronteira nian.

“Iha fronteira ita ninia UPF sira ninia kna’ar atu nune’e bele halo seguransa fronteira. Konserteza atu tama ba eleisaun sira sei alerta liu tan e sira mós sei mantein komunikasaun diak ho parte Tentara Nasional Indonesia (TNI), ho Polisi Republik Indonesia (POLRI), bele fo seguransa diak  iha fronteira,”afirma Komandante Operasaun, Superentedente Chefi, Henrique da Costa, ba JN-Diário, Kuarta (08/02/2017) iha Hotel Ramelau Dili.

Nia hatutan, agora dadauk membru UPF iha 480 ital, maibe sei apoiu mós parte Komando PNTL Munisipiu Bobonaro no Polisia husi Autoridade Administrativu Oecusse.

“Depende ba grau ameasa, iha  ne’eba mak sira labele responde konserteza ita tenki apoiu tan efetivu, maibe to’o agora  ne’e UPF hala’o servisu kapa’as, buat hotu  sira bele responde,”esklarese Justinho Menezes.

 Nune’e nia dehan, ba kestaun eleisaun  Prezidensial no eleisaun Parlamentar ne’ebé mak sei hala’o iha 13 Munispiu ne’e bele fo seguransa masimu.

“Ita  husi komando jeral  ho tan Centru Formasaun Polisia Unidade sira mak sei ba reforsa iha Munisipiu sira, atu nune’e  sir abele hala’o servisu ho diak liu tan,”tenik Henrique da Costa.avi

Jornal Nacional Diário
PARTILHAR

Author: verified_user

Publicação luso-timorense sem fins lucrativos

0 comentários: